https://www.afrikaans.radio Met Nagsê Here deel Ds. Theunis Coetzee 45 kort en inspirerende oordenkings om jou dag met vrede en hoop af te sluit. Hierdie reeks bied ’n rustige en troosvolle oomblik, ideaal vir die einde van jou dag. Vind rus vir jou siel met Nagsê Here. Religion & Spirituality af Mon, 05 Jun 2023 15:30:23 +0200 Sun, 27 Aug 2023 09:11:04 +0200 30 http://blogs.law.harvard.edu/tech/rss iono.fm 2.5.2.0 Afrikaans.Radio 8ae662a0-b4b1-50c7-bbe6-97ffc373a15a no Ds. Theunis Coetzee podcast Daily feeds@iono.fm (Feed Manager) https://cdn.iono.fm/files/p2978/logo_8108_20250908_211008_1400.jpeg https://www.afrikaans.radio Met Nagsê Here deel Ds. Afrikaans.Radio episodic Afrikaans.Radio kontak@afrikaans.radio false ZA https://iono.fm/e/1353839 https://iono.fm/e/1353839
Hoevele male het jy nie al gehuiwer om die regte woorde te vind nie. Selfs met gebed sukkel jy, wat is dit wat jy graag wil bid, wil vra, wil afsmeek by Die Here.

Jy wil nie selfsugtig klink nie, ook nie te desperaat nie, miskien wonder jy of Die Here sal verstaan en antwoord.

Sal jy iemand glo wat moord goedgekeur het, mense wreedaardig vervolg het, in die tronk was, weggejaag is uit dorpe en met klippe gegooi was, so hardkoppig dat hy met ‘n sweep paar keer geslaan was as straf, opstandig teen die regering en kerkleiers.

Dis die einste persoon wat ons aanhaal vanaand, Paulus, wat sê “Die Gees staan ons ook in ons swakheid by: ons weet nie wat en hoe ons behoort te bid nie, maar die Gees self pleit vir ons met versugtinge wat nie met woorde gesê word nie. En God, wat die harte deurgrond, weet wat die bedoeling van die Gees is, want Hy pleit, volgens die wil van God, vir die gelowiges. Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is.”

Paulus het geweet dat hyself aan woorde en antwoorde kortkom en in daardie stil oomblikke pleit Die Gees van God.

Woordeloos word jou gemoedstoestand ook oorgedra omdat God jou hart ken.
Jou gebed geprewel met stilte en in jou swakheid. Jou seerkry, jou vernedering, jou verlede, jou twyfel asook jou hoop op beter dae. Vir jou as gelowige sien God net jou hart raak en luister na wat Die Gees pleit.

Mag jou gebed vanaand jou gerus stel en jy glo dat God alles ten goede sal laat meewerk sodat Sy Liefde in jou en deur jou kan werk.

Twyfel nie, jy het iets om vir Die Here jou God te doen. Jou gebed is jou Dankie sê, Die Gees antwoord namens jou.

AMEN

Nagsê Here. Afrikaans.Radio · Nagsê Here]]> Religion & Spirituality Sun, 27 Aug 2023 09:07:00 +0200 0 0 Nagsê Here #45 0 0 Ds. Theunis Coetzee full 2:32 Nagsê Here https://iono.fm/e/1353835 https://iono.fm/e/1353835
Die dinge of goeters wat met mens gebeur, baie keer deur eie keuses, dom keuses of onwetend laat jou nogal met hande in die hare.

Hoe gaan jy deurkom, hoe gaan jy oorlewe, hoe kan jy dinge regmaak, wat moet jy antwoord en aan wie, wat moet jy doen?

Dis alles vrae wat jou op een plek vasgevange hou?

Dawid skryf dat Die Here vir die opregtes sorg in Ps 7. Miskien vra jy vanaand waarom dan al die onreg, die omkopery, die kwaadwilligheid van mense, die seermaak en seerkry, hoekom is daar soveel hartseer, wat maak ek met tyd en plek?
Jy voel dalk soos ‘n teiken en almal skiet hul pyle na jou, dalk voel jy dat alles wat verkeerd kan gaan, gebeur met jou.

Dit is net geloof wat jou staande hou met al hierdie vrae.

Daarom sê Dawid in vers 11 en 12 “My skild is by God wat die opregtes van hart verlos. God is 'n regverdige regter, en 'n God wat elke dag toornig is.” Hierdie skild van God kan die pyle keer, dit kan skaduwee verskaf in gloeiende son en snags gebruik word as ‘n dak en in stormweer as ‘n sambreel.

Dit help jou om alles wat met jou gebeur te deurstaan omdat Hy jou beskerm sodat jy verlos kan word tot Sy eer. Hy bly Die Regter wat regverdig is, Hy sien die onreg en kwaadwilligheid en daaroor is Hy woedend, elke dag.

Die 1983 vertaal die verse “God wat die opregtes help, is my beskermer. God is 'n betroubare regter, 'n God wat altyd die skuldiges straf.”

Dit klink amper soos die spreekwoord “Die wiel draai” maar daarvan moet jy jou asseblief weerhou, Hy het in Sy liefde ook jou liefde nodig wat jy met jou lewe moet bewys.

Mag jy eerder antwoord op al die dinge wat in jou lewe gebeur, die mooi en die lelik, die soet en die suur, die reg en die verkeerd soos Ps 7 eindig “Ek wil die Here loof na Sy geregtigheid en die Naam van die Here, die Allerhoogste, psalmsing.”

Mag jou lewe ‘n lofsang aan Die Here jou God bly. Hy sal jou verlos op Sy tyd vir jou bestem.

AMEN Afrikaans.Radio · Nagsê Here]]> Religion & Spirituality Sun, 27 Aug 2023 08:53:00 +0200 0 0 Nagsê Here #44 0 0 Ds. Theunis Coetzee full 2:51 Nagsê Here https://iono.fm/e/1353832 https://iono.fm/e/1353832
Dink jy Die Here het ‘n droom vir jou? Sou dit beter klink as die vraag is; het Die Here het gedroom en jou vir ‘n doel geskep hier op aarde?

Miskien wil jy nou antwoord dat die lewe geen droom wêreld is nie, met dit gesê kan jy ook nie die lewe as ‘n nagmerrie beskryf nie of van nagmerrie ervarings praat nie.
Elkeen het sy drome, ideale, wense en doelbereikings met oop oë hier op aarde.
Jyself het dalk ‘n plan B as plan A nie uitwerk nie.

As dit anders gestel word in die lewe wat ons ervaar, tussen drome, wat van die volgende stellings tussen Plan A en B; Niemand trou om te skei nie, niemand kry kinders net om hulle weg te gooi nie, niemand plant sonder om ‘n oes te verwag nie, niemand maak ‘n vriend om van die ‘n vyand te maak nie.

Eenvoudig is dit dat niemand lewe sonder om asem te haal nie, en solank jy lewe, leef jy Die Here se droom en doel vir jou. Hy het jou buite beheer geplaas van sekere spiere soos ooglede, hart, maag en organe soos longe, lewer, niere.

Jou brein vermoë bepaal jou wilskrag, jou verantwoordelikheid, jou besluite van liefde en omgee, dit bepaal jou menswees.

Alles deur Die Here geskep, maak nie saak hoeveel planne jy het nie. Ps 56 sê Dawid, in moeilike omstandighede “Deur God sal ek die woord prys; deur die Here sal ek die woord prys. Ek vertrou op God, ek vrees nie; wat kan 'n mens my doen? Op my, o God, rus geloftes aan U gedoen; lofoffers sal ek U betaal; want U het my siel gered van die dood - ja, my voete van struikeling - om te wandel voor die aangesig van God in die lig van die lewe.”

Mag al jou woorde en gedagtes vanaand deel wees van Die Here se Droomdoel met jou en jy Hom daarvoor loof en prys want selfs wanneer die donkernag verdwyn bly Hy die God van jou lewe, met elke spier en orgaan leef jy in Sy Lig van die Lewe, gered van die dood, ‘n wandeling met vergifnis sou jy struikel.

Mag jy lekker slaap en weet Die Here ontmoet jou, met jou menswees in Sy Droom, ons bid vir diegenes wat buite Sy Droomdoel lewe.

AMEN

Nagsê Here. Afrikaans.Radio · Nagsê Here]]> Religion & Spirituality Sun, 27 Aug 2023 08:46:00 +0200 0 0 Nagsê Here #43 0 0 Ds. Theunis Coetzee full 2:51 Nagsê Here https://iono.fm/e/1353829 https://iono.fm/e/1353829
Jy lees ook Die Bybel en soms tref verse jou net anders asof jy dan eers die werklike betekenis verstaan.

Die onlangse jare het my ook deur spanningsvolle tye gebring en vrae na waarheid en opregtheid.

Willens en wetens het ek ook gewaag waar engele sou huiwer, mense onmoet, gehelp waar ek kon, al is dit net met woorde en liefde deur aanvaarding, selfs konfrontasie met afleidings en idees van ander. “Tussen heidene, dronkaards, kerkloses en sondaars” sou so baie ander beskuldigings kon gooi.

Dan wonder ekself “Hoekom Jesus sou verwag dat ‘n herder 99 skape los en na een gaan soek?” Die sommetjie maak nie sin nie, behalwe as Hy seker was hulle is veilig. Met die lees van Ps 23, Esegiël 34 en Sagaria 11:17 dan is dit te betwyfel of die 99 werklik veilig was, tensy steeds deur Die Herder beskerm, as gevolg van geloof, in Sy Genadekraal.

Dan kom ons by Romeine 9 en Paulus begin dadelik met die woorde “EK spreek die waarheid in Christus, ek lieg nie — my gewete getuig saam met my in die Heilige Gees — dat dit vir my 'n groot droefheid is en 'n onophoudelike smart vir my hart.
Hy doen ‘n belydenis en jy kan die smart, die seerkry hoor waarmee hy praat. Hy praat dan oor die geloof in Israel, die wat hul geloof definieer as nageslag uit Adam, die uitverkorenes. Paulus haal tekste aan uit Genesis, Hosea, Jesaja en andere, hartverskeurend verwys hy na die optrede van die sogenaamde gelowiges, mense beheer, gekondisioneer deur eie afleidings.

Hoe sou jy geloof definieer? Wie sou jy as voorbeeld van geloof gebruik in vandag se tyd? Watter reëls heg jy aan geloof? Voel jy nie ook harstseer oor die hoeveelheid gewondes, stukkendes, uitgeworpenes en soekendes wanneer jy aan jou antwoorde op hierdie vrae dink nie?

Paulus sluit af en ek lees die 83 vertaling “Wat is nou ons gevolgtrekking?

Dít: heidene het nie God se vryspraak gesoek nie, maar dit wel gekry – die vryspraak deur die geloof. Israel, daarenteen, het 'n wet gesoek waardeur hulle God se vryspraak sou kon kry, maar by so 'n wet het hulle nie uitgekom nie.

Waarom kon hulle nie die vryspraak kry nie? Omdat hulle nie op die geloof wou bou nie, maar op hulle eie prestasies. Hulle het oor die struikelblok gestruikel waarvan daar geskrywe staan: “Kyk, Ek sit in Sion 'n klip neer waaroor 'n mens struikel, 'n rots waarteen jy jou stamp, maar wie in Hom glo, sal nie teleurgestel word nie.”

Mag jy nie teen die rots vasloop nie maar deur jou geloof in Die Rots, jou lewe leef.
Christus Jesus is as God ons Hoop en Verlosser. Glo dit en gun dit ook vir ander, Hy bly onse Rots.

AMEN

Nagsê Here. Afrikaans.Radio · Nagsê Here]]> Religion & Spirituality Sun, 27 Aug 2023 08:32:00 +0200 0 0 Nagsê Here #42 0 0 Ds. Theunis Coetzee full 3:38 Nagsê Here https://iono.fm/e/1334727 https://iono.fm/e/1334727
Hoe lekker sal dit nie wees as almal saam kan lag en vrede hê nie?
Sou jy gevra word wat hoop beteken, sal jy kan antwoord dat almal gelukkig moet wees?

Kyk en luister maar na mense, feitlik almal beleef een of ander tyd mislukte verhoudings, seerkry verhoudings, onseker verhoudings en liefdelose verhoudings. Die gesonde verhoudings weërspieël daarteenoor ‘n kragbron van geluk, verhoudings waar mense mekaar aanvaar, bemoedig, bystaan en in liefde leef.

Paulus skryf hiervan in Romeine 15 “En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus, sodat julle die God en Vader van onse Here Jesus Christus eendragtiglik uit een mond kan verheerlik. Neem daarom mekaar aan, soos Christus ons ook aangeneem het, tot heerlikheid van God.”

Paulus vra hierdie openhartige aanvaarding van mekaar sodat God verheerlik kan word deur eensgesindheid. Miskien het jy dalk vanaand ‘n moedelose gevoel, nie in jouself nie maar as gevolg van verhoudings en ooreenkomste wat skipbreuk lei, dalk voel jy, jy het hoop verloor.

Die woorde klink maklik om te sê en tog is dit waar, “Ons dien ‘n God van hoop, in Christus Jesus skep Hy hoop in hopelose situasies, Sy Liefde skep in jou ‘n deursettingsvermoë om jou denke en dade te vul met hoop.

Paulus sluit hierdie gedeelte af met ‘n seën wat vanaand vir jou ook gebid word
“En mag die God van die hoop julle vervul met alle blydskap en vrede deur die geloof, dat julle oorvloedig kan wees in die hoop deur die krag van die Heilige Gees!”

AMEN

Nagsê Here. Afrikaans.Radio · Nagsê Here]]> Religion & Spirituality Thu, 20 Jul 2023 08:15:00 +0200 0 0 Nagsê Here #41 0 0 Ds. Theunis Coetzee full 2:35 Nagsê Here https://iono.fm/e/1334724 https://iono.fm/e/1334724
Dit is altyd ‘n voorreg om opregte vriende te hê. Nou gesels ons nie oor kenisse nie maar vriende as waarde toevoeging. Reël maar ‘n reunie en terwyl jy die boodskappe lees onthou jy die mense, die verlede, die lag en huil, die groei saam en die waarde wat hulle aan jou lewe geheg het.

Dalk het jy vandag vriende wat jou werklik ondersteun, jy voel jy kan jou lewe in hulle hande plaas. Jou hartsgeheime met hulle deel, jou toekomsdrome saam beplan en weet hulle sal jou bystaan.

In Mattheus 6 lees ons “Kyk na die voëls van die hemel; hulle saai nie en hulle maai nie en hulle bring nie bymekaar in skure nie, en tog voed julle hemelse Vader hulle. Is julle nie baie meer werd as hulle nie? Wie tog onder julle kan, deur hom te kwel, een el by sy lengte voeg? En wat kwel julle jul oor klere? Let op die lelies van die veld, hoe hulle groei; hulle arbei nie en hulle spin nie; en Ek sê vir julle dat selfs Salomo in al sy heerlikheid nie bekleed was soos een van hulle nie.”

Hierdie is ‘n vriendskap verhouding met Die Here. Jou lewe is in Sy Hande. Hy is die vlieënier, jy die passasier, hoewel Hy toertjies ver bo die grond maak, jy voel bang en onseker, bring Hy jou veilig tuis.

Mag jy vanaand as jy voel dat jy die vastigheid van die grond verloor het en blootgestel is aan enige iets wat verkeerd kan gaan weet dat Hy die stuurstang vashou terwyl Hy vir jou sorg.

Sien die voëls in die lug raak, die lelies op die grond en glo dat jy vir Hom baie werd is, mag al jou kwellinge verdwyn met die wete dat Die Here, jou God, in beheer is.

AMEN

Nagsê Here. Afrikaans.Radio · Nagsê Here]]> Religion & Spirituality Thu, 13 Jul 2023 08:07:00 +0200 0 0 Nagsê Here #40 0 0 Ds. Theunis Coetzee full 2:15 Nagsê Here https://iono.fm/e/1334723 https://iono.fm/e/1334723
Hoekom dink jy wil mense soveel ander mense, veranderd kry.Soort soek soort, lui die spreekwoord, tog is daar altyd mense wat iets anders verwag en vereis. Mense sukkel om mekaar te aanvaar, om onvoorwaardelik die medemens te help wat werklik hulp nodig het. Dit word amper soos mense wat hulself as engele ag teen die sondaars in die lewe, net omdat ons nie die andersheid kan aanvaar nie.

Onthou jy die storie van son en wind wat ‘n weddenskap aangegaan het oor wie die vinnigste ‘n mens se jas kan wegneem. Son het agter ‘n wolk weggekruip en wind het begin blaas in stormwind. Hoe harder hy geblaas het hoe stywer het die mens sy jas vasgeklou. Na dit was dit son se beurt, glimlaggend het hy met warmte die mens saggies en liefdevol aangeraak met sy sonstrale. Na so rukkie het die mens sy jas uitgetrek. Son het gewen.

Dit is nie met brute krag wat jy mense laat verander nie, hoekom is dit in elk geval nodig om jou sin te kry om mense te verander. Jakobus skryf in hoostuk 2: 15-17 “WAT baat dit, my broeders, as iemand sê dat hy die geloof het, maar hy het nie die werke nie? Dié geloof kan hom tog nie red nie? As daar nou 'n broeder of suster naak is en aan die daaglikse voedsel gebrek het, en een uit julle sou vir hulle sê: Gaan heen in vrede, word warm, word versadig, maar julle gee hulle nie wat vir die liggaam nodig is nie — wat baat dit?

Net so is ook die geloof, as dit geen werke het nie, in sigself dood.”

Mag jy vanaand besef Die Here wil jou gebruik met ‘n glimlag teenoor ander, om hulle met ‘n warm liefde aan te raak. So bewys jou werke jou geloof, jy kan iemand help met jou uitreik.

Die Here het jou aangeraak, het Hy nie? Met Sy sagmoedigheid, oor jou Sy Sonstale gebied, gun dit ook vir ander!

AMEN

Nagsê Here. Afrikaans.Radio · Nagsê Here]]> Religion & Spirituality Wed, 12 Jul 2023 08:00:00 +0200 0 0 Nagsê Here #39 0 0 Ds. Theunis Coetzee full 2:32 Nagsê Here https://iono.fm/e/1334719 https://iono.fm/e/1334719
In Markus 2 lees ons vanaand ‘n besonderse verhaal. Die verhaal se fokus is nie geloof en genesing nie of geloofsgenesing nie maar wel vergifnis. Jesus was in iemand se huis, besig om God se Woord te verduidelik aan ander. Die dakke was maar laag, bedek met gras of riete en klei daaroor gesmeer.

Vier vriende bring hul verlamde vriend na Jesus toe, die huis toegepak met mense, selfs voor die ingang was daar ‘n samedromming. Hulle vat toe kortpad, klim op die dak en begin dit oopbreek en sak hul vriend neer voor Jesus.

Kan jy jou indink aan die hoeveelheid stof, gras, riete en klei klonte neergeval het op Jesus en die wat naby Hom was. Meer nog, dis baie disrespekvol om iemand te steur terwyl hy praat, wat dan van ‘n hele vergadering ontwrig.

Sulke gedrag ontlok irritasie en aggressie in elke mens, jy kan jouself en jou reaksie voorstel, woede, vloekwoorde, misnoë en beskuldigings, sal ons maar net sê - gedrag vol sonde gelaai. Maar Jesus was nie net mens nie, ons lees vers 5 "En toe Jesus hulle geloof sien, sê Hy vir die verlamde: Seun, jou sondes is jou vergewe!”
In ‘Stories van die Lewe’ word vertel van ‘n priester wat gehoor het van ‘n vrou wat reken Die Here praat direk met haar. Skepties en jaloers gaan besoek hy haar, dit klink net te onwaar. Hy toets haar om Die Here die volgende keer te vra wat sy grootste sonde as priester is.

Nuuskierig, na ‘n maand besoek hy haar weer om te hoor wat Die Here se antwoord was. Haar woorde was “Die Here het vir my gesê om jou te sê “Watter sonde? Die sonde wat Hy vergewe, vergeet Hy ook.”

Vanaand is dit wat Die Here vir jou ook sê en Hy voltooi dit met “Staan op en neem jou bed op en loop!”

Mag jy jou lewenspad met vreugde loop deur Sy genadige Vergifnis. Jy het ‘n veskil om te maak!

AMEN

Nagsê Here. Afrikaans.Radio · Nagsê Here]]> Religion & Spirituality Tue, 11 Jul 2023 07:39:00 +0200 0 0 Nagsê Here #38 0 0 Ds. Theunis Coetzee full 2:37 Nagsê Here https://iono.fm/e/1329657 https://iono.fm/e/1329657
“Welgeluksalig is die man wat die Here vrees, wat 'n groot welbehae in sy gebooie het.”

Die Boodskap vertaal die vers in Ps 112
“Die gelukkigste mense op aarde is hulle wat groot respek vir die Here het, wat met blydskap luister na alles wat die Here sê.”
Wat is hierdie alles wat Die Here sê?
Wat beteken die welbehae in Sy gebooie?

In vandag se wêreld en kommunikasie middele en daarmee saam die hoeveelheid van geloofsweergawes raak dit moeilik om Die Here te vrees, om respek vir Hom deur die mense raak te sien. Nog moeiliker raak dit om te hoor wat Hy sê en volgens sy gebooie te leef, asof Sy Stem wegraak tussen die miljoene ander en Sy wil in konstante botsing is met wêreld hiërargie.

Dink maar aan dit wat vroeër jare toelaatbaar was en vandag nie meer is nie, dwelms aan kinders soos opium in hoesmedisyne, kokaine vir tandpyn, sekere woorde.
So het sekere lewensstyle ook verander wat toe ontoelaatbaar was maar vandag is, kleredrag en dobbel om net enkeles te noem. Deurgans het die gebooie van Die Here gegeld en is dit as maatstaf gebruik om sy Woord te gebruik “So sê Die Here”
Wanneer dit jou deurmekaar maak, begin by jou eie gesprek met Die Here.

Ek dink nou aan die liedjie van Bernice West ‘Die Here het my mooi gemaak’
Maak dit saak wat ander mense verkeerd doen, word van jou rekenskap geëis oor ander? Doen jy maar net wat goed is. Glo jy net in jouself en dat Die Here jou spesiaal gemaak het, jy het jou doel in hierdie lewe vir Hom. Sy doel met jou regverdig jou vir mooi dinge omdat Hy jou mooi gemaak het.

Mag jy ook vanaand sê dat jy nie slegte tyding vrees nie want jou hart is gerus, vol vertroue op die Here. Dit bepaal jou geluk.

AMEN

Nagsê Here. Afrikaans.Radio · Nagsê Here]]> Religion & Spirituality Mon, 10 Jul 2023 11:22:00 +0200 0 0 Nagsê Here #37 0 0 Ds. Theunis Coetzee full 2:31 Nagsê Here https://iono.fm/e/1329653 https://iono.fm/e/1329653
Hoe wil Die Here hê jy moet wees as jy tot Hom nader? Het jy al gewonder oor hierdie vraag, ‘n vraag na jou waardigheid?

Dit hang nie af van jou suksesse nie maar wie jy is. Jy ken ook mense wat skool verlaat het op laerskool en suksesvolle boere of besigheidsmense geword het. Jy ken ook gegradueerdes wat steeds werk soek, ander mense wat op soek is na Die Here maar vind Hom nie. Die gelowiges sê “Dankie” en vra na Die Here om genade, uitkoms en die regte besluite.

Die vraag bly “Hoe kom jy by Die Here uit? Watter etiket moet gevolg word met kleredrag, groetwoorde en gesprekvoering?” Daardie gevoel waarby jy verby moet kom, van om verder as die spreekwoordelike dak te bid, wanneer jy dink jou gebede in die lug verdwyn, jy vind Die Here nie, berusting, aanvaarding en kalmte ontbreek.

In Psalm 24 vra Dawid ook die vraag;
“Wie mag klim op die berg van die Here? En wie mag staan in sy heilige plek?
Hy wat rein van hande en suiwer van hart is, wat sy siel nie ophef tot nietigheid en nie vals sweer nie.
Hy sal seën wegdra van die Here en geregtigheid van die God van sy heil.”

Mag jy vanaand jou gesprek met Die Here so begin “Hier is ek Here, met hande wat rein is, ‘n hart suiwer vir U liefdesdiens, bedrog is daar nie in my nie ek is nie vals nie, ek wil opreg U vind. Mag jy ‘n besonderse ervaring beleef dat jy ook kan sê “Wie is dan tog die Erekoning? Die Here van die leërskare — Hy is die Erekoning! Ek het Hom gevind op Sy Heilige berg”

Dankie my Erekoning vir U seëninge.

AMEN Afrikaans.Radio · Nagsê Here]]> Religion & Spirituality Mon, 10 Jul 2023 11:17:00 +0200 0 0 Nagsê Here #36 0 0 Ds. Theunis Coetzee full 2:15 Nagsê Here https://iono.fm/e/1329651 https://iono.fm/e/1329651
Elke mens het aansporing nodig, jy ook!

Voortdurend elke dag word jy met besluitneming en keuses gelaat, in jou werk, tuis, met mense wat jou op jou knieë hou.
Baie mense kyk op na jou, maak staat op jou, wil by jou versterking verkry, glo in jou as werktuig in God se Hand.
Jy beleef ook sekere dae wat jy net moeg voel, gedreineer, geknak, genoeg gehad het van verantwoordelikhede.
Jeremia was voortdurend as tussenganger die spreekbuis tussen Die Here en die volk.
Die volk kry swaar, hulle het aanmoediging en rede nodig om te volhard in geloof, die ondraaglike lewe maak dit vir hulle moeilik om vas te hou aan hulle geloof en hoop.
Dan lees ons in Jeremia 17:14 dat Jeremia geknak het, siek gevoel het van al die spanning.
“Maak my gesond, Here, dan sal ek gesond word; verlos my, dan sal ek verlos word; want U is my lof.
Daar sê hulle vir my: Waar is die woord van die Here? Laat dit tog kom!
Wat my aangaan, ek het my nie onttrek om U as herder te volg nie, en die ongelukkige dag het ek nie begeer nie. Ú weet dit. Wat uit my lippe uitgegaan het, was voor u aangesig.”
Jeremia het na Die Here as Geneesheer gegaan vir gesond word, vir aanmoediging en krag.
Wanneer jy ook so ongesond voel, gaan na Die Here, jou God.
Vir jou versterking lees ons die Franciskaanse seën Vanaand
Mag die Here jou seën met ongemak oor maklike antwoorde,
halwe waarhede en oppervlakkige verhoudings
sodat jy uit die diepte van jou hart kan leef.

Mag die Here jou seën met woede oor onreg,
onderdrukking en die uitbuiting van mense
sodat jy kan werk vir geregtigheid, vryheid en vrede.

Mag die Here jou seën met trane om te stort vir mense
wat pyn, verwerping, honger en oorlog ervaar
sodat jy ’n hand kan uitreik en hulle pyn in blydskap verander.

En mag God jou seën met genoeg dwaasheid om te glo
dat jy ’n verskil in die wêreld kan maak
sodat jy dinge sal kan doen wat ander mense dink nie gedoen kan word nie

AMEN
Nagsê Here. Afrikaans.Radio · Nagsê Here]]> Religion & Spirituality Mon, 10 Jul 2023 11:15:00 +0200 0 0 Nagsê Here #35 0 0 Ds. Theunis Coetzee full 2:58 Nagsê Here https://iono.fm/e/1329648 https://iono.fm/e/1329648
Onthou jy as jy terugdink aan die hoeveelheid kere wat jy ID foto’s geneem het vir jou ID kaart, Bestuurs lisensie, Paspoort.Jy het regop gestaan, met wit agtergrond en die mees treffende is jou strak gesig, jy mag nie lag nie.

Hoe kan mens die nature vrolikheid so wegsteek?

Teenoorgesteld was jy as ook by plekke waar vriende bymekaarkom, onthaal funksies, restaurante, pub en grills, braai saam met ‘n rugby of krieket wedstryd.
Almal is vrolik, dit is nie as gevolg van verversings nie maar juis as gevolg van samesyn,‘n gemeenskap in kleine. Soos dit in jou menswees is word jou eie probleme, hartseer en bekommernis verdoof, jy luister na ander, neem die oomblik waar, in kort of versweë sinne beleef jy die oomblik van Nou! Jy vergeet van jou omstandighede, jy geniet die gemeenskap.

‘n Ware gelowige beleef blydskap in die gemeenskap van heiliges. Dit is vir my ‘n groot begrip. Wanneer Die Here die sondaar geheilig het is hy nie meer sondaar nie, maar heilig. Mense sal altyd die etiket van sondaar bevestig of uitwys, Die Here nie! Hy sien die mens raak wat Hy geheilig het. Na aanleiding van gisteraand se boodskap net die vraag “Het Jesus vir Saggéüs gevra om nie meer tollenaar te wees nie?” Tog het Die Here met blydskap Saggéüs ontvang.

Mag jy vanaand die waarde Psalm 9:2,3 ervaar.
“Ek wil die Here loof met my hele hart; ek wil al u wonders vertel.
In U wil ek bly wees en juig; ek wil psalmsing tot eer van u Naam, o Allerhoogste”

Mag jy sonder ‘n strak gesig, waar jy jou, wanneer ookal bevind, hierdie blydskap uitstraal. Om bly te wees, om te juig, loof jy die Here met jou hele hart, want Hy het jou geheilig, dit is aansteeklik vir almal om jou. Mag jy siele wen vir Sy Heiligdom met jou vreugde, jou familie en vriende vul met ware blydskap, al het jyself duisende vrae en bekommernisse, so leef jy tot eer van Sy Naam.

Lekker slap, Lief vir julle.
AMEN

Nagsê Here. Afrikaans.Radio · Nagsê Here]]> Religion & Spirituality Mon, 10 Jul 2023 11:11:00 +0200 0 0 Nagsê Here #34 0 0 Ds. Theunis Coetzee full 2:51 Nagsê Here https://iono.fm/e/1328672 https://iono.fm/e/1328672
Ons bid almal saam vir jou en vir mekaar, dat dit goed gaan met jou en jou geliefdes.
Vanaand vertel ons weer ‘n storie, ‘n ware verhaal, bietjie aangepas, van ‘n baie ryk man. Hy het baie besighede gehad, goedgekeur deur die staat, hy het ook onregverdig baie wins gemaak, uit sy eie mense uit. Hy het geld uitgeleen teen ‘n belaglike wins, hy het sy eie mense verkla by SARS en die polisie. Hy het baie kontakte gehad by invloedryke mense in die regering en toutjies getrek oral waar hy kon. Jy sou ook ‘n afsku in so ‘n persoon ontwikkel het.

Die man het van Jesus gehoor, hy wou so graag ‘n ervaring beleef waar Hy Jesus net kon sien iets doen of hoor wat Hy sê. Om tussen volgelinge te beland, hulle vir wie hy ingedoen het, was gevaarlik en boonop was hy kort en niemand sal hom vorentoe laat beweeg nie. Hy klim toe in ‘n wilde vy boom net om Jesus te kon sien. Sy naam was Saggéüs. Lukas 19:1-10.

En toe Jesus by die plek kom, kyk Hy op en sien hom en sê vir hom: Saggéüs, maak gou en klim af, want Ek moet vandag in jou huis bly. Hy maak toe gou en klim af en het Hom met blydskap ontvang. En toe almal dit sien, het hulle gemurmureer en gesê: Hy het by 'n sondige man tuisgegaan. Maar Saggéüs het gaan staan en aan die Here gesê: Here, kyk, die helfte van my goed gee ek vir die armes; en as ek van iemand iets afgepers het, gee ek dit vierdubbel terug.

Toe sê Jesus aan hom: Vandag het daar redding vir hierdie huis gekom, aangesien hierdie man ook 'n seun van Abraham is. Want die Seun van die mens het gekom om te soek en te red wat verlore was.” Vanaand word nie gevra hoeveel jy het nie, ook nie wat jy kan teruggee nie maar hoe jy na Christus Jesus soek?

Hy sien jou raak, Hy wil by jou tuiskom, ongeag wat die mense sê en dink, die labels wat mense so maklik plak op ander. Die Here se liefde is anders, Hy soek om te red, Hy vind die verlorenes, by hulle vind Hy Sy tuiste.

Mag jy vanaand vir Hom ‘n tuiste wees, waar jy bly, wie jy is, soos jy is. Met Sy redding verander jy die wêreld rondom jou.

AMEN

Nagsê Here Afrikaans.Radio · Nagsê Here]]> Religion & Spirituality Thu, 06 Jul 2023 13:39:00 +0200 0 0 Nagsê Here #33 0 0 Ds. Theunis Coetzee full 2:57 Nagsê Here https://iono.fm/e/1328669 https://iono.fm/e/1328669
Baie keer word die vraag gevra “Wat sou jy anders gedoen het of wat is jou planne?” Niks is daar wat versekering bied dat dit suksesvol sou gewees het nie. Ons lees Mattheus 16:24-26 van Jesus wat verduidelik wat die lewe beteken. “Toe sê Jesus vir sy dissipels: “As iemand agter My aan wil kom, moet hy homself verloën, sy kruis opneem en My volg, want wie sy lewe wil behou, sal dit verloor; maar wie sy lewe ter wille van My verloor, sal dit terugkry. Wat sal dit 'n mens help as hy die hele wêreld as wins verkry maar sy lewe verloor, of wat sal 'n mens gee in ruil vir sy lewe?”

Wat sal jy gee in ruil vir jou lewe, jou behoud, jou waarde en doel, jou betekenis vir die mense om jou wat jou liefhet? Anders gestel “Wat beteken jy, met dit wat jy het, gaan alles oor wins wat jy kan opbou?” Jyself kan die vrae antwoord in jou stille gesprek met Die Here. Vanaand sluit ons af met ‘n storie wat ek lank gelede gelees het.

Die verhaal is van ‘n boetie en sussie. Die boetie het gely aan ‘n seldsame bloedsiekte. ‘n Bloedoortapping was nodig. Die ouers is getoets en ander ook, die sussie se bloed is wat aanvaarbaar sou wees vir haar boetie. Die ouers en dokters het mooi met haar gepraat. Sonder huiwering, vrees, trane van seerkry of die waarom dit nodig was, het sy gedweë ingestem.

Met die dag van die oortapping het sy langs haar boetie in ‘n hospitaal bedjie gelê en net gevra of sy hom kan groet. Haar groet was met trane, dat hy mooi na pappa en mamma sal kyk, ‘n goeie mens sal word en geluk vind in die toekoms. Met dit omgedraai, pappa en mamma ‘n drukkie gegee en gesê sy is lief vir hulle en weer in haar bedjie geklim. Verstom het die ouers en dokters dit aangehoor en wou weet hoekom sy dit gesê het en so opgetree het? Haar antwoord was, dat, as sy haar bloed vir boetie gaan gee sodat hy kan lewe, dan sal sy nie meer saam kan lewe nie. Sy wou net groet.

Kan jy jouself die emosies voorstel waarmee die ouers moes verduidelik, hulle gaan nie al haar bloed gebruik nie, sy gaan net genoeg gee sodat boetie gehelp kan word. Sy gaan lewe, hulle wou haar nie doodhê omdat hulle boetie bo haar verkies nie. So werk ons Here ook. Onbaatsugtig het Hy ons die Ewige Lewe gegee. Wat sal jy in ruil gee vir jou lewe?

AMEN

Nagsê Here. Afrikaans.Radio · Nagsê Here]]> Religion & Spirituality Wed, 05 Jul 2023 13:31:00 +0200 0 0 Nagsê Here #32 0 0 Ds. Theunis Coetzee full 3:09 Nagsê Here https://iono.fm/e/1328661 https://iono.fm/e/1328661
Tyd gaan vining verby, soms te stadig en parykeer is dit asof tyd net gaan stilstaan het. Elke dag skep sy eie geskiedenis en saans wanneer jy in die bed klim het jy reeds die geskiedenis van die onlangse ure deurleef en ervaar. Jy was of deel van ‘n ‘memory’ of jy het een gemaak in iemand anders se lewe.

Kan jy onthou hoe jy opgetree het en wat jy alles gesê het, wie geluister het en wie iets kon raaksien? As jy nie iets doen nie is dit so maklik om jouself te vervreem van die mense om jou, verveeldheid begin die oorhand kry en jy vereensaam jouself net met gedagtes van wat was. Gestel iemand het jou dopgehou en hy nooi jou uit na ‘n eksotiese eiland, privaat vliegtuig, alles word betaal, jy moet net opdaag en soveel saamnooi as wat jy kan. Tyd word dan ‘n avontuur, dit oorheers jou sekondes en gesprekke.

In die wêreld waarin ons leef en skaars ons bure ken, sal dit nogals ‘n opgewondenheid kan skep. Dit is presies wat Joël sê Die Here doen, “Maar nou sê die Here: Kom met julle hele hart terug na My toe, vas, huil en treur! Skeur julle harte, nie julle klere nie. Kom terug na die Here julle God toe: Hy is genadig en barmhartig; Hy is lankmoedig en vol liefde. Hy is bereid om straf te herroep.”

Om klere reg te maak is maklik, of mens gebruik die stukke vir stoflappe, maar ‘n geskeurde hart kan net Die Here regmaak. Hy nooi jou uit na Hom toe, met Sy genade, barmhartigheid en liefde help Hy jou met Sy helende Hande. Hy het reeds jou hart raakgesien, wie jy is en wat jy kan doen!

Hoor jy Sy uitnodiging en sal jy opdaag vir ‘n ongelooflike ervaring wat jou besig sal hou in en vir Sy Koninkryk?

Die uitnodiging word aan jou gebied.

AMEN

Nagsê Here. Afrikaans.Radio · Nagsê Here]]> Religion & Spirituality Tue, 04 Jul 2023 13:22:00 +0200 0 0 Nagsê Here #31 0 0 Ds. Theunis Coetzee full 2:32 Nagsê Here https://iono.fm/e/1328096 https://iono.fm/e/1328096 Vanaand in jou gedagte terwyl jy luister moet jy ‘n prentjie van jouself vorm. Geen lelike pentjie nie, groot seblief. Jou prentjie is waar jy sit by ‘n restaurant tafel en ‘n liedjie waarvan jy hou, speel. Voor jy jouself kan keer begin jou voete die ritme volg. Partykeer bring jy jou hande na mekaar en jou skouers beweeg met die ritme saam. Jy voel jy wil opstaan en heupe wikkel maar die mense sal jou snaaks aankyk, dis sosiaal onaanvaarbaar.

Maak nou nie saak nie maar daardie oomblik geniet jy die tydjie jou gegun. Jy reageer soos Baloo, die beer in die animasie fliek, Jungle Book van Walt Disney toe king Louis die orangoetang en sy groep Mowgli gevang het en op die tromme gespeel het. Die liedjie se naam was “I wanna be like you”.

As musiek en ‘n vrolike prentjie jou oomblik opkikker en sommer net jou gedagtes weglei na mooi dinge, soveel meer kan mooi gedagtes oor jou Skepper en Here vir jou beteken. Wanneer troebeltye jou oorval, wanneer jou gedagtes jou anker in smart, wanneer jou verlede jou vasgeketting laat voel en wanneer onsekerheid jou laat twyfel, dink aan die mooi dinge wat Die Here jou beloof.

Die profeet Nahum het saam met die volk in moeilike, haglike tye geleef, onder oorheersing en hy sê in 1:7, “Die Here is goed, 'n toevlug in die dag van benoudheid, en Hy ken die wat by Hom skuil.” Mag jy vanaand die ritmiese uitnodiging hoor wat Die Here bied na Sy veilige toevlug vir jou, Hy ken jou, Hy weet wat laat jou dans van vreugde, daarom word jy uitgenooi.

Die Here bied vir jou skuiling in jou gemoed en vir jou toekoms, sou jy sê “I wanna be like You” sal Hy sê “Wees heilig want Ek is Heilig” en jy voel sommer net tuis.

AMEN

Nagsê Here. Afrikaans.Radio · Nagsê Here]]> Religion & Spirituality Mon, 03 Jul 2023 08:47:00 +0200 0 0 Nagsê Here #30 0 0 Ds. Theunis Coetzee full 2:20 Nagsê Here https://iono.fm/e/1327124 https://iono.fm/e/1327124
Ons bede is almal min of meer dieselfde want ons bid vir mekaar, vir kinders, vir ouers, vir werkgewers, werknemers en onsself. Vanaand se gebed is vir hulle wat smagtend rondsoek na liefde in die lewe. Ons dink aan kinders wat blootgestel word aan mishandeling, verkragtings, onvoerings en vernederings.

Miskien het jy ook in jou lewe ‘n soortgelyke ervaring en dink nou anders oor die lewe van liefde wat Die Here bied. Jy het ouer geword met al die letsels wat jy saamdra.
Jy soek ook dalk vanaand na ware liefde, in jou huwelik, in jou verhoudings met jou ouers, jou kinders en vriende. Jy wil dit meet aan die Liefde van Die Here.

Wanneer jy kyk is dit asof jy iets kan raaksien maar dit is soos om deur brille te kyk wat se lense gekrap en gekraak is. Die opregtheid, die skoonheid die mooi bly vertroebel. Paulus gee hierdie ervaring so raakvat in Romeine 8:36-39
“Soos geskrywe is: Om U ontwil word ons die hele dag gedood, ons is gereken as slagskape.

Maar in al hierdie dinge is ons meer as oorwinnaars deur Hom wat ons liefgehad het.
Want ek is versekerd dat geen dood of lewe of engele of owerhede of magte of teenwoordige of toekomende dinge of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie.”
Mag jy vanaand wanneer jou ooglede mekaar vind en strelend aanraak sodat jou oë kan rus, weet dat daar geen groter Liefde is as wat God bewys het deur Christus Jesus nie.

Die maatstaf van liefde is in ons Here, nie in mense nie, met Sy Liefde oorwin jy die lewensletsels en jy antwoord met liefde.

Lekker slaap

AMEN

Nagsê Here. Afrikaans.Radio · Nagsê Here]]> Religion & Spirituality Sun, 02 Jul 2023 09:16:00 +0200 0 0 Nagsê Here #29 0 0 Ds. Theunis Coetzee full 2:34 Nagsê Here https://iono.fm/e/1327121 https://iono.fm/e/1327121
Wat dink jy is daar wat jy het om vir Die Here te gee wat Hom gelukkig, tevrede en dankbaar sal maak? Dis ‘n moeilike vraag, want dit behels jou totale mens bestaan.
Antwoorde van liefdadigheid, betrokkenheid by geloof instansies, weerhouding van verderflike dinge in die lewe, geen kwaadspraak, opvoeding van kinders, gebeds toewyding en diesulkes is dalk ‘n lewe aan God gewy. Sal jy met al die goudstawe in die wêreld jou hiernamaals kan verseker? Selfs dit is plaveisel stene in Die Hemel.
In Hebreërs 11:6 lees ons “En sonder geloof is dit onmoontlik om God te behaag; want hy wat tot God gaan, moet glo dat Hy is (Werklik bestaan) en 'n Beloner is van die wat Hom soek.”

Wat Die Here wil hê is jou opregte geloof in Hom en dat jy na Hom soek.
Met hierdie geloofslewe en soeke is Hy Die Een wat jou beloon, dit beteken eenvoudig dat jou leefwyse van God moet getuig, waar jy is met dit wat jy doen en sê. Hy is Die Beloner, jou Werkgewer, jou Lewensredder.

Dit laat my dink aan die teks in Lukas 10 “Op hulle reis het Jesus in ’n dorp gekom waar ’n vrou, Marta, Hom as gas ontvang het. Sy het ’n suster gehad, Maria, wat aan die voete van die Here gaan sit en na sy woorde geluister het. Maar Marta was baie bedrywig om alles klaar te maak. Sy kom toe daar staan en sê: “Here, hinder dit U nie dat my suster my alleen laat bedien nie? Sê sy moet my kom help!” Maar die Here antwoord haar: “Marta, Marta, jy is besorg en bekommerd oor baie dinge, maar net een ding is nodig. Maria het die beste deel gekies, en dit sal nie van haar weggeneem word nie”

Mag jy vanaand ook in jou binneste vir die Here jou hart oopmaak en bid “Here ek glo onvoorwaardelik dat U bestaan, ek soek na U met my hele hart, laat my die beste deel kies, die deel wat luister na wat U vir my wil sê, want dit kan my nie ontneem word nie”

AMEN

Nagsê Here. Afrikaans.Radio · Nagsê Here]]> Religion & Spirituality Fri, 30 Jun 2023 09:08:00 +0200 0 0 Nagsê Here #28 0 0 Ds. Theunis Coetzee full 2:41 Nagsê Here https://iono.fm/e/1327117 https://iono.fm/e/1327117
Het jy al aande net rondgerol, slaap het jou vergeet. Daar is al baie studies gedoen, sielkundige oorsake geformuleer, mediese oorsake gevind en dan natuurlik ook jou eie lewensstyl waaroor jy beskik wat slaaploosheid veroorsaak.

Vanaand moet jy fokus op die rus wat jy nodig het.Jou geloof bied jou die rus, wat verby is, is verby, dit hoort in die gister lêer. Job het gesê in hoofstuk 7 vers 4 “As ek gaan slaap, dink ek: wanneer kan ek opstaan? Maar die nag sleep stadig verby
en ek rol rusteloos rond tot dagbreek toe.” Jy kan Job se omstandigheid verstaan, hy het alles verloor, sy kinders, eiendom, geld en gesondheid.

Dit was nie depressie nie, sy slaaploosheid was uit pyn, hartseer en verlange, die onbeantwoorde vrae van ‘Hoekom’. Dan lees ons ook Dawid se verhaal toe hy van sy eie seun Absalom gevlug het Ps 3 “Maar U, Here, beskerm my aan alle kante, U herstel my eer en aansien. As ek na die Here roep, antwoord Hy my van sy heilige berg af. As ek gaan lê, slaap ek goed; ek word ook weer wakker, want die Here sorg vir my.”

Dawid sê dat hy goed slaap, wetend in ‘n onbewaakte oomblik van nagrus kan hy oorrompel word. Hy vra nie ‘Hoekom’ nie. Wanneer hy wakker word voel hy goed want hy glo Die Here sorg vir hom omdat hy Die Here gevra het om hom te beskerm, sy eer en aansien te herstel. Jy kan ook met jou geloof en eie geestelike vermoë jou dag met ‘n lied in jou hart begin, Die Here verskaf positiewe krag in jou.

Mag jy vanaand weet dat Die Here jou verlede skoon gevee het, dit wat jou pla wegneem en dat Hy jou in jou nagrus versterk om met ‘n opgewondenheid more in te wag om in Sy diens te staan. Mag jy goed slaap want Die Here sorg ook vir jou in Sy liefde en mag Hy al jou gebedes, saans en soggens beantwoord.

AMEN

Nagsê Here. Afrikaans.Radio · Nagsê Here]]> Religion & Spirituality Thu, 29 Jun 2023 08:59:00 +0200 0 0 Nagsê Here #27 0 0 Ds. Theunis Coetzee full 2:47 Nagsê Here https://iono.fm/e/1327110 https://iono.fm/e/1327110
Ons lewe in ‘n ongekende tog lekker tyd, met tegnologie, internet, selfone, rekenaars, motors, vliegtuie, elektriesieteit, omheinings, gereedskap en wat ookal.
Gestel dit val alles weg. Wat gaan jy doen of wees? Dawid het as skaapwagter in so ‘n tyd geleef en die mooiste en bekendste Psalm geskryf.

Die Here is my Herder, Psalm 23.

Ons fokus vanaand net op vers 4 omdat dit soveel betekenis aan ons lewens vandag het.

“Al gaan ek ook in 'n dal van doodskaduwee, ek sal geen onheil vrees nie; want U is met my: U stok en U staf dié vertroos my.”

Die doodskaduwee is nie die dood of afsterwe nie, die doodskaduwee waarna hy verwys is gevare, rowers of wilde diere, hy het nie ‘n selfoon, wapen of GPS gehad nie. Tussen klowe, rotse en stormriviere het hy die skape gelei terwyl hyself voorstap, die omgewing dophou, altyd paraat.

Ons beleef daardie oomblikke van doodskaduwee elke dag, in jou motor oppad na waar jy moet wees, in vliegritte, storms op die water terwyl jy in ‘n boot is, in hospitaal met siektes, die lewe met kanker gewasse, rowers wat deur jou sekuriteit heinings en kameras beweeg, oorloë, en mense wat jou seermaak. Nogtans sê hy dat die Here ons daardeur dra, hy vrees geen onheil nie want Die Here het die regte wapen en toerusting.

Die wapen was ‘n stok, ‘n tipiese knopkierie, in Sy hand kan dit gebruik word vir naby gevegte of akkuraat gegooi word op ‘n afstand, so word die bose van jou weggehou.
Die staf, meer as 3 meter lank, met geboë hoek, is gebruik om die wat wegdwaal, wat vasgevang is in ‘n doringbos, te diep in die water gaan of in ‘n gat beland uit te help.

Mag jy vanaand besef dat jy jou Herder het wat jou beskerm. Deur doodskaduwees hier op aarde lei Hy jou na die Ewige Lewe waar daar geen onheil te vrees is nie.
Hy, Die Here, as jou Herder, stap voor jou uit, soek jou as jy verdwaald is, red jou uit die doringbosse wat jou vasvang en lei jou deur gevare en angsbevange oomblikke.

Geniet jou lewe, leef jou lewe van sekondes, Die Herder lei jou, jy het niks om te vrees nie.

AMEN

Nagsê Here Afrikaans.Radio · Nagsê Here]]> Religion & Spirituality Wed, 28 Jun 2023 08:50:00 +0200 0 0 Nagsê Here #26 0 0 Ds. Theunis Coetzee full 3:27 Nagsê Here https://iono.fm/e/1325188 https://iono.fm/e/1325188
Ek bid dat dit goed gaan met jou vanaand. Ons gesels weer oor geloof.
Geloof in God is een waarheid maar volharding in geloof, absolute geloof, is iets heeltemal anders. Dink maar aan jou eie lewe, hoe jou geloof getoets, beproef, gelouter en selfs uitgedaag word, elke dag. Jy bevind jou in hierdie wêreld, in ‘n land, op ‘n plek en besef dat die reëls, die wette, die strukture, die omstandighede, jou vervreemd laat voel. Dit is anders as wat jy met jou geloof verwag.

Gisteraand het ons gelees van Nataneal, van wie Jesus gesê het “Hier is waarlik 'n Israeliet in wie daar geen bedrog is nie.” Ook Nataneal het Die Verlosser verwag wat hulle kon bevry van die Romeinse oorheersing maar nie iemand, uit Nasaret nie. Jesus het ook aan hom gesê dat hy nog groter dinge sal sien en Nataneal het. Hy het wonders gesien wat Jesus doen, maar die Romeine is steeds in beheer van die land en die volk Israel.

In Lukas 7 lees ons die verhaal, Nataneal was waarskynlik teenwoordig, van die Romeinse offisier wie se slaaf siek was, hy het Jode na Jesus gestuur om te kom en die slaaf te genees. Inteendeel het hy later gesê “Spreek net ‘n woord en my slaaf sal genees word.” Dit van ‘n ongelowige.

Kan jy die toets van geloof hoor? Hoe kan die Redder ons vyand help, hoe werk God dan nou? Dan sê Jesus nog in vers 9 “Ek sê vir julle: In Israel het Ek nie so 'n groot geloof teëgekom nie.”

Vanaand sit jy dalk alleen, of in ‘n vreemde plek, jou emosies en geloof ry wipplank, jy het nie antwoorde nie en wonder hoekom laat God sekere dinge toe.
Mag jy vanaand volharding in geloof ervaar want Jesus is as Redder gestuur om ‘n Koninkryk van God binne in jou te vestig waar Hy kan heers. Jou geloofsdaad sal dan wees ‘Spreek Heer, ek luister’. Dit verander nie omstandighede nie maar dit sal jou verander.

AMEN

Nagsê Here. Afrikaans.Radio · Nagsê Here]]> Religion & Spirituality Tue, 27 Jun 2023 09:44:00 +0200 0 0 Nagsê Here #25 0 0 Ds. Theunis Coetzee full 2:34 Nagsê Here https://iono.fm/e/1325115 https://iono.fm/e/1325115
Ekself het nog nooit onder ‘n vyeboom gesit nie en dink nie. Mens se gedagtes en omstandighede het baie keer ‘n velammende effek op jouself en eie motivering.
In Johannes 1, die laaste gedeelte van die hoofstuk, lees ons van die roeping van die apostels, hoofstuk 2 begin met die bruilof in Kana. Jesus het Fillippus gesien en net gesê “Volg my”.

Met die saamloop na Galilea, Kana ontmoet Fillippus vir Nataneal en opgewonde sê hy vir hom “Ons het Hom gevind van wie Moses in die wet en ook die profete geskrywe het: Jesus, die seun van Josef van Násaret.” Nataneal, opreg in geloof volgens die Joodse tradisie, antwoord droog met ‘n teenvraag “Kan daar uit Násaret iets goeds wees?” Die mens se nuuskierigheid of hoop kan nogals die oorhand kry, dalk moet ons eerder sê God roep mens uit ‘n ander wêreld na ‘n besonderse doel. Nataneal was so oorrompel.

Toe Jesus vir Nataneal sien aankom sê Hy “Hier is waarlik 'n Israeliet in wie daar geen bedrog is nie.” Soos Nataneal geantwoord het sou jy dalk ook, want hoe ken iemand jou wat jy die eerste keer ontmoet. Jy weet self hoe draai en dartel stories rond oor mense en hulle doen of late. Maar Jesus ken hom, het God dan nie elkeen wat Hy roep en liefhet se naam in Sy Handpalm geskryf nie. Jesus het die naam en persoon Nataneal geken en bevestig dat Hy hom onder die vyeboom sien sit het.
Het jy al so ‘n ontmoeting met Die Here HERE gehad, Hy wat vir jou ook sal sê “Glo jy omdat Ek vir jou gesê het: Ek het jou onder die vyeboom gesien? Jy sal groter dinge sien as dit.”

Die Here wil saam met jou ook die groter dinge laat sien wat Hy in Sy Almag vir jou voorberei het. Hy ken jou, Hy roep jou en Hy stuur jou, die mooiste en grootste dinge wat jy aan kan dink, begin met Sy Liefde vir jou. Hy sien jou raak onder jou spreekwoordelike vyeboom en weet waartoe jy in staat is, die wêreld is jou saailand met sade van liefde.

Lekker slaap

AMEN Afrikaans.Radio · Nagsê Here]]> Religion & Spirituality Mon, 26 Jun 2023 07:43:00 +0200 0 0 Nagsê Here #24 0 0 Ds. Theunis Coetzee full 2:36 Nagsê Here https://iono.fm/e/1325110 https://iono.fm/e/1325110
Het jy al gewonder hoekom mense gemeet word aan sosiale deelname en normes.
Jy ken mense wat jyself in groepe sal verdeel.

Die stil mens, doen wat gedoen moet word, wanneer dit gedoen moet word, en rus daarna.Die syfer mens, analiseer en kritiseer alles maar het geen mense verhoudings nie. Die mense-mens wat almal gelukkig wil sien, tevrede wil stel en deur naïwiteit telkemale in die moeilikheid kom. Die ongeluksvoël, as daar iets verkeerd kan gaan dan gebeur dit met hulle. Die avonturier wat nie kan stilsit nie en baie stories kan vertel. Elke familie het die soorte, jy ken en herken hulle.

Met hierdie mense word nie bedoel die introverte of ekstroverte nie, die suksevolles of onsuksesvolles nie, die linkerbrein of regterbrein tipes nie, maar hoe jy mense meet of beoordeel in terme van jou eie leefstyl, jou sosiale omgang. Hoe dink jy sien Die Here hulle raak? Spreuke 15 het my baie diep laat dink oor die mense soorte, vers 3 “Die Here sien oral; Hy hou slegte en goeie mense dop.”

Dan lees ons verse 13-15, dit skep die norm van die sosiale maatstaf, hoe jy dalk ook mense opsom, elke iedere een wat jou pad kruis, hulle wat jou lewe beïnvloed.
“Blydskap laat 'n mens se gesig straal; smart maak 'n mens terneergedruk. 'n Verstandige mens is op soek na kennis; 'n dwaas voed homself met dwaasheid.
Dit gaan altyd sleg met 'n bedrukte mens; die blymoedige mens se hele lewe is 'n fees.”

Mag jy vanaand besef dat Die Here aan jou ‘n feestelike lewe bied sodat jy met jou stralende gesig van blydskap elkeen wat jou raaksien of dophou nader aan Hom kan bring. Jou lewe is jou fees, jou kennis van ervaar en aanvaar, word jou antwoord van dankbaarheid aan jou Skepper, Hy hou jou dop!

AMEN

Nagsê Here. Afrikaans.Radio · Nagsê Here]]> Religion & Spirituality Sun, 25 Jun 2023 07:40:00 +0200 0 0 Nagsê Here #23 0 0 Ds. Theunis Coetzee full 2:33 Nagsê Here https://iono.fm/e/1325109 https://iono.fm/e/1325109
In ‘n wêreld waar ons so baie slegte nuus verneem raak dit moeilik om hoop te bied, want hoop met woorde het ‘n weerklank van “Jy verstaan nie”. Met woorde van hoop kan jy tog iemand anders aanspoor, aanmoedig, waardigheid skep sodat hulle nie doelloos voel nie. Maar wat van jou, hoe baie voel jy net asof woorde van ander jou geensins kan help nie?

Jy soek ook vanaand dalk na die antwoord op die Goedheid van Die Here, deur mense vind jy dit nie. Die Bybel is vol getuienis daaroor, maar die gelese woorde klink so ontoereikbaar. Dit is nie heeltemal waar nie, Die Here wil help en saam met Ps 86 moet jy die woorde oor en oor lees, Dawid se gebed: “Want U, o Here, is goed en vergewensgesind en groot van goedertierenheid vir almal wat U aanroep. Here, luister na my gebed en let op die stem van my smekinge.” Dan kan jy ook erken dat ie goedheid van Die Here geen perke het nie, dit ken geen perke nie, maar is ‘n werklikheid op ‘n tyd wat Hy bestem.

Wanneer ons hierdie gebed weer lees besef ons dat Hy in Sy Goedheid ook vergifnis bring, ‘n stille tevredenheid van wat in die verlede is bly daar, dit is jyself wat dit, wat Die Here versag het, vergewe het, lewendig hou. In Sy Goedertierendheid help Hy jou self daarmee, met jou seer, jou onthou, jou bekommernisse en verlange. Al wat jy moet weet is dat as jy Hom vra om na jou te luister en aandag aan jou smekinge te gee, Hy dit wel doen terwyl jy wag op Sy antwoord. Mag jy vanaand ervaar dat as jy verby jou probleme en sugtings kyk, jy Die Here raaksien wat jou omhels met Sy liefde.

AMEN

Nagsê Here. Afrikaans.Radio · Nagsê Here]]> Religion & Spirituality Sat, 24 Jun 2023 07:34:00 +0200 0 0 Nagsê Here #22 0 0 Ds. Theunis Coetzee full 2:19 Nagsê Here https://iono.fm/e/1325105 https://iono.fm/e/1325105
Elkeen van ons word getoets op baie maniere in die lewe. Miskien voel jy ook vanaand dat jy met vrae sit, vrae wat jy moet beantwoord, dis asof jou lewensreis ‘n eksamen is. Dan gaan jy na Die Here toe, asof Hy deel is van jou krip notas, of dalk dat Hy die vraag vir jou moet verklaar of verduidelik.

Jy wil sê “Laat U wil geskied” want jy weet as jy 90% kry, het jy 10% nie geken of geleer nie. Dit is nie Die Here se eksamen nie maar joune, Hy het jou vraestel saamgestel. Jou eksamen vraag is jou lewensreis, wanneer jy terugkyk op jou lewensreis besef jy elke tree gegee, elke struikelblok oorkom het jy iets geleer.
Tog het jy telkemale weer dieselfde fout gemaak, soos om vir iemand kwaad te word, ander seer te maak, jou geleiefdes teleurgestel getwyfel dalk. Die tyd wat jy het is Nou en Hier.

Die vraag is wat maak jy met jou lewe? Jy ken die antwoord maar jy is te bang om te antwoord, wetend dat jy nie 100% gaan kry nie. Hierdie antwoord kry ons in Deuteronomium 6 “Hoor, Israel, die Here onse God is 'n enige Here. Daarom moet jy die Here jou God liefhê met jou hele hart en met jou hele siel en met al jou krag.” Jou pen raak die papier maar jy huiwer om te skryf, jou mond is droog, jy weet dat jy dat jy nie gaan slaag nie.

Jy weet in jou binneste wat jou antwoord met jou eie lewensreis is, jou vraestel sal deur Die Here gemerk word, Hy weet wat die regte en ware antwoord is vir elkeen se vraag. Kan jy dink as jy jou gemerkte vraestel ontvang en jou rapport wys 100%, sou jy dink dis moontlik, sal jy Hom vra hoe kan dit moontlik wees? Wel, dit is moontlik, want geloof in Hom het jou geleer, dit wat kortkom het Hy uit Sy genade vir jou geantwoord.

Al wat jy kan sê is “Dankie”, met jou hier en nou bewys dit ook met liefde en omgee vir Hom en die wat saam met jou op jou lewensreis is, leef Sy Meesterplan met jou, dan sal jy slaag. Die Here stap saam met jou, kniel saam jou en help jou met jou eksamen omdat Hy, deur Sy Liefde vir jou, wil hê jy moet met deurkom, na Hom toe kom.

Op dit kan ons net sê;

AMEN

Nagsê Here. Afrikaans.Radio · Nagsê Here]]> Religion & Spirituality Fri, 23 Jun 2023 07:28:00 +0200 0 0 Nagsê Here #21 0 0 Ds. Theunis Coetzee full 3:04 Nagsê Here https://iono.fm/e/1325102 https://iono.fm/e/1325102
Het jy al gewonder waarom jy is, waar jy is? Hoeveel van ons mense het nie kinders of familie oorsee nie, in ‘n ver vreemde land, hoeveel van hulle verlang nie terug nie.
Elkeen se wens is “As dit maar anders kon”.
Tog pas ons almal aan, soos met die omgewing, die klimaat, tye, kulture, vriende, humor, leefwyse en reëls. Niks verander waar jy jouself, nou bevind nie. Net jy kan jou emosies, verlange en wense verwoord. Waar jy nou is, is waar jy jouself bevind, niemand kan dit verander nie. Woorde van “Vaderland” en “Moeder aarde” of “Moedertaal” en “Familie” voel dalk vir jou soos ‘n sug in die wind. Moet seblief nie dink dat jy jouself in ‘n tronk bevind nie.

In Matheus 10 stuur Jesus 12 apostels uit na die Wêreld daarbuite. Dan sê Hy “Onthou: Ek stuur julle soos skape tussen wolwe in. Wees dus versigtig soos slange en opreg soos duiwe.” Jy word ook deur Jesus geroep om waar jy, jou bevind jou oomblik gebruik om aan Hom as Here en Verlosser dank te betuig. Wanneer jy die antwoord soek op waarom jy is, waar jy is dan hoor ons weer sy woorde dat Hy jou gestuur het, maak daarom die verskil waar jy is, want Hy sê in vers 26 “Moet dus nie vir mense bang wees nie. Daar is niks bedek wat nie openbaar gemaak sal word nie, en niks geheim wat nie bekend sal word nie. Wat Ek vir julle in die donker sê, moet julle in die daglig sê, en wat in julle oor gefluister word, moet julle van die dakke af uitbasuin.”

Daar is een taal wat regoor die skepping verstaan word en dis die taal van liefde, jy sê dit met jou oë, jou glimlag, jou houding, jou aanvaarding met woord en daad.
Dit is die antwoord wat jou Skepper jou gee “Moenie vra waar jy is nie maar waarom jy is, waar jy is”.

Leef en spreek Sy liefde wat in jou oor gefluister word en verkondig dit van dakke af.
Dit kos een oproep, een wat sê “Lief vir jou, mis vir jou”.

AMEN

Nagsê Here. Afrikaans.Radio · Nagsê Here]]> Religion & Spirituality Thu, 22 Jun 2023 07:16:00 +0200 0 0 Nagsê Here #20 0 0 Ds. Theunis Coetzee full 2:55 Nagsê Here https://iono.fm/e/1325096 https://iono.fm/e/1325096
Om totsiens te sê is nie altyd lekker nie. Dink maar aan die kere op lughawens, die terugry of wegry van kinders, kleinkinders, die onsekerheid oor die toekoms. Moses het gesê dat hy te oud is om oorlog te maak. Vir 40 jaar was hy die volk se leier, hulle boodskapper van God. Hy het hulle vertel dat hy nie meer verder oor die Jordaan sal trek nie, so het God besluit, sy totsiens was ‘n vaarwel.

Mens kry so ‘n jammer gevoel. Miskien in jou lewe kan jy ook met sulke tye vereenselwig. Dit is hier waar die paadjies skei. In Deuteronomium 31 lees ons “Toe het Moses vir Josua geroep en vir hom gesê waar die hele Israel dit kon hoor: “Wees sterk, wees dapper! Jy gaan saam met hierdie volk in die land in wat die Here met 'n eed aan hulle voorvaders beloof het om aan hulle te gee. Jy moet hulle dit in besit laat neem. 8Die Here sal voor jou uit gaan. Hy sal by jou wees. Hy sal jou nie in die steek laat nie, jou nie alleen laat nie. Moenie bang wees nie, moenie skrik nie.”
Maak nou nie saak of jy soos Moses voel nie of in sy posisie is nie, ook nie soos Josua met sy nuwe opdrag nie as leier nie, dalk voel jy die onsekerheid aan van die volk oor wat gaan gebeur.

In al die uitdagings wat die lewe bied mag die eggo van hierdie woorde jou aanspoor. Wees Sterk, wees dapper, Die Here gaan voor jou uit, Hy sal jou nie in die steek laat nie ook nie alleen laat nie daarom hoef jy nie bang te wees of te skrik vir wat nog moet gebeur nie. Doen die goeie wat jy doen en doen dit goed, daardeur word God verheerlik.

Mag jy vanaand God se nabyheid aanvoel, daardie nabyheid wat jou versterk en bemagtig deur Sy Liefde en Genade.

Jy het ook ‘n opdrag van Hom vir more wat wag.

AMEN

Nagsê Here. Afrikaans.Radio · Nagsê Here]]> Religion & Spirituality Wed, 21 Jun 2023 07:13:00 +0200 0 0 Nagsê Here #19 0 0 Ds. Theunis Coetzee full 2:29 Nagsê Here https://iono.fm/e/1322881 https://iono.fm/e/1322881
Ek hoop dit gaan goed met jou en jou geliefdes.
Daar is soveel gebroke verhoudings, feitlik daagliks verneem ek van vriende wat baklei of kwaad is vir mekaar, mense wat vertrou is en ander in die steek gelaat het of besteel het.

Dan praat ons nie eers van huwelikke wat op die rotse land nie en die ewige twis in families tussen broers, susters of ouers nie.
In die kerk ervaar jy seerkry, in jou huis, in jou vriendekring in jou werksplek. Dit skep regtig waar ‘n gedagte dat die duiwel besig is om oorhand te kry.
Wat het geword van liefde, eensgesindheid en saamwoon in vrede? Wat het geword van ons diens en antwoord aan God met ons leefwyse en verhoudings?
Koning Dawid het baie van hierdie onmin ook ervaar, Saul wou hom doodmaak, sy eie seun Absalom ook, die volk in kampe geskeur, hoeveel keer moes hy nie vlug of wegkruip nie.

Dan skryf hy ‘n pelgrimslied in Psalm 133
“Hoe goed, hoe mooi is dit as broers eensgesind saam woon!
Dit is soos reukolie wat van die kop af in die baard afloop, die baard van Aäron, af tot by die soom van sy klere. Dit is soos die dou van Hermonberg wat op die berge by Sion val.
Waar broers so saam woon, skenk die Here sy seën:
'n lang, lang lewe.”

Mag jy vanaand in jou geselsie met God jou lewe in Sy Hande plaas en vra dat jy ook die goedheid en mooiheid kan ervaar waar broers in eengesindheid saamwoon.
Mag Die Here, jou God, jou seën, om die verskil te maak tussen die gebroke mense sodat Sy liefde en vrede kan heers.
Hy het jou so, só nodig.

AMEN
Nagsê Here. Afrikaans.Radio · Nagsê Here]]> Religion & Spirituality Tue, 20 Jun 2023 07:25:00 +0200 0 0 Nagsê Here #18 0 0 Ds. Theunis Coetzee full 2:15 Nagsê Here https://iono.fm/e/1322880 https://iono.fm/e/1322880
Ons ken almal die liedjie “Wat ‘n Vriend het ons in Jesus, Hy wat in ons plek wil staan..”
Wanneer jy aan die woorde dink dan wonder jy dalk ook aan die vriende wat jy het.
Met absolute geloof weet jy dat Jesus altyd was, is en sal wees, as Vriend, Verlosser en God.
Hoe vergelykbaar is dit met vriende, mense-vriende hier op aarde?
In Spreuke 18:24 lees ons vanaand “'n Man met baie vriende word geruïneer, maar daar is 'n vriend wat sterker aanhang as 'n broer.”

Jy ken die term “mooiweersvriende”, as dit goed gaan met jou word jy omring deur vriende, wanneer mense jou nodig het word jy as ‘n vriend gereken.
Daar is so baie stories hieroor in elkeen van ons se geskiedenis, jy weet ook hoe dit voel om alleen te staan en soekend na een opregte vriend verlang. Jy voel geruïneerd, misbruik en stukkend. Selfs familie vergeet van jou.
Ons praat nie nou van vriende in terme van bankbalans, kuiers of vakansies nie, ons praat van hartsvriende.

Jy soek na God in mense, ‘n bietjie van Jesus se Liefde maar sien dit nie raak nie.
Die teks in Spreuke sê juis daar is ‘n vriend, Die Here self stuur iemand, ‘n vriend na jou toe, iemand soos Hy.

Die Here hoor jou sugtende gebed, hierdie vriend is ‘n seën wat jou sal bystaan in jou hartseer, jou verlies, jou kommer en wanhoop juis om geluk te vind.

Mag jy vanaand reeds so ‘n vriend wil wees vir iemand anders wat jy ken en ‘n ware vriend deur God gestuur ontmoet. Sy Vriendskap is dit waaraan ware vriende gemeet word.

AMEN
Nagsê Here. Afrikaans.Radio · Nagsê Here]]> Religion & Spirituality Mon, 19 Jun 2023 07:23:00 +0200 0 0 Nagsê Here #17 0 0 Ds. Theunis Coetzee full 2:14 Nagsê Here https://iono.fm/e/1322879 https://iono.fm/e/1322879
Hoe bittersoet is die lewe nie?
Hoe bitterlekker die ervarings nie?
Twee teenoorgesteldes maar so verduidelikend want bitter is nie soet nie en bitter ook nie lekker nie.

Maar ons praat van een saak en dit is jou lewe.
Jy het beide die teenoorgesteldes al ervaar in jou lewe.
Ons verslaaf ons baie keer aan die dinge en gebeure in die lewe en met ons lewe dat ons oorbluf en woordeloos staan wanneer dinge net eenvoudig anders gebeur as wat ons verwag het.

Elkeen wat lewe vandag het ‘n biologiese vader, dinge het verander, verskeie kere het jy dalk ‘n betugtiging verwag en dan ‘n verstaan ervaar, woede en toe ‘n sagte antwoord gekry, dalk ook die teenoorgestelde.
In jou lewe, jou geloofslewe is dit ook so, maar oor die Liefde van jou Vader in Die Hemel hoef jy nooit te twyfel nie.

Al gebeur die bittersoet en bitterlekker met jou. Romeine 8 sê Paulus “Die Gees wat aan julle gegee is, maak julle nie tot slawe nie en laat julle nie weer in vrees lewe nie; nee, julle het die Gees ontvang wat julle tot kinders van God maak en wat ons tot God laat roep: “Abba!” Dit beteken Vader. Hierdie Gees getuig saam met ons gees dat ons kinders van God is. En omdat ons kinders is, is ons ook erfgename. Ons is erfgename van God, erfgename saam met Christus. Aangesien ons deel het aan sy lyding, sal ons ook deel hê aan sy heerlikheid.”

Mag hierdie Vaderskap gedagte jou vanaand met dankbare trane laat, Hy het jou lewe tot dusver nie net verstaan nie maar jou ook bygestaan, opgehelp en vergewe.
Mag Sy Heerlikheid jou toevou soos ‘n winterskombersie, en jou die warmte van Sy Liefde laat ervaar.

AMEN
Nagsê Here. Afrikaans.Radio · Nagsê Here]]> Religion & Spirituality Sun, 18 Jun 2023 07:21:00 +0200 0 0 Nagsê Here #16 0 0 Ds. Theunis Coetzee full 2:21 Nagsê Here https://iono.fm/e/1322878 https://iono.fm/e/1322878
Gisteraand het ons van God se almag gelees.
Hy het gedoen wat net Hy kon doen en geen afgod nie.
Al die profete van Baäl is om die lewe gebring.
God het reën gebring soos Hy beloof het.
Agab het vir Isebel vertel wat gebeur het en hoe Elia voor hom uitgehardloop het.
In pleks van dankbaarheid en eerbied vir God stuur sy boodskappers na Elia en beloof om hom dood te maak soos hy met haar profete gedoen het.
Hoekom is dit so moeilik vir sommige mense om van eersug, mag en vervolgingswaan ontslae te raak?

Jy ken vandag ook sulke mense, hulle is in elke familie.
Wat nog meer onverklaarbaar is, is Elia wat God se Almag deur Sy Woord as opdrag uitgevoer het, dit gesien het hoe altaar, offer en hout verbrand tot as, boonop die reën, het bang geword vir Isebel! Weer vlug hy die woestyn in.
Van hero tot zero in een dag!

Soveel so dat hy God vra en sê “Dis nou genoeg, neem maar my siel ook weg” amper soos woorde ek is klaar, ek wil sterwe.
God stuur Sy engel en met die tweede keer se wakker maak kom net die woorde, “Staan op en eet anders gaan die pad lank word”

Ernstig wil ons vra, dit klink so gevoelloos, so asof God regtig nie omgee nie.
Wel, dit was so, God wou vir Elia ontmoet, 40 dae later deur die woestyn,by die berg Horeb, Hy het nodig gehad dat Elia vir Hom alleen ontvanklik sal wees. “Wat maak jy hier Elia”

Wat sou jy gesê het, Here U het my dan hierheen gestuur, van die hele volk en profete bly net ek oor, nou is ek nog honger en dors en vlug vir my lewe, dit vir U Woord en Naam.

Die Here God antwoord net dat Hy wil verbygaan. 1 Konings 19
En Hy sê: Gaan uit en staan op die berg voor die aangesig van die Here. En kyk, die Here het verbygegaan, terwyl 'n groot en sterk wind die berge skeur en die rotse verbreek voor die Here uit; in die wind was die Here nie. En ná die wind 'n aardbewing; in die aardbewing was die Here nie.

En ná die aardbewing 'n vuur; in die vuur was die Here nie. En ná die vuur die gesuis van 'n sagte koelte. En toe Elía dit hoor, het hy sy gelaat met sy mantel toegedraai en uitgegaan en by die ingang van die spelonk gaan staan. En daar kom 'n stem na hom wat sê: Wat maak jy hier, Elía?

Mag jy vanaand in jou afsondering die Here ontmoet, in die stilte ontmoet jy Hom, voordat Hy jou stuur vra Hy ook eers “Wat maak jy hier?”
Mag jy antwoord “Here ek is hier, stuur my en gebruik my tot U eer” Hy sal jou ook eerste terugstuur na jou eie gesin, familie en bekendes.

Mag Sy Liefde, Seën en krag jou versterk elke dag en deur die nag.

AMEN
Nagsê Here. Afrikaans.Radio · Nagsê Here]]> Religion & Spirituality Sat, 17 Jun 2023 07:19:00 +0200 0 0 Nagsê Here #15 0 0 Ds. Theunis Coetzee full 3:34 Nagsê Here https://iono.fm/e/1321718 https://iono.fm/e/1321718
Die Here het die Baäl profete uitgedaag. Elia het die volk Israel byeen geroep en by hom laat staan. Vir hulle het hy gesê “Hoe lank hink julle op twee gedagtes? As die Here God is, volg Hom na; en as Baäl dit is, volg hom na!”. Hulle kon nie antwoord nie”. Twyfel oorheers feite en vrees vir Agab en Isebel het hulle verlam. Hulle almal sien hoe die profete bid, met alle vorme van rituele, kruipend om die altaar maar daar kom geen vlam nie.

Laggend, spottend skreeu Elia aan die klomp profete, bid nou maar, kom met oproepe na jul gode, waar is jul afgod nou. Skreeu harder. Miskien slaap hy. Dalk is hy op vakansie. Soos ‘n foksteriër hits hy hulle aan. Hulle bid maar geen vlam.
Vandag sou hy aangekla word deur sulke optrede, is dit nie?

Agtermiddag vra Elia die volk om met 12 klippe ‘n altaar op te rig, die hout word gebring, die bul in stukke gesny bo op, dan word die altaar drie keer sopnat gegooi met water. Die gebed van Elia was “Here, God van Abraham, Isak en Israel, laat dit vandag bekend word dat U God in Israel is, en ek U kneg, en dat ek al hierdie dinge op U woord gedoen het. Antwoord my, Here, antwoord my, sodat hierdie volk kan erken dat U, Here, God is, en dat Ú hulle hart tot U laat terugkeer.”

Mens wil ampertjies sê “Taragie, Taragô”, Die Here het Elia se gebed verhoor en met ‘n vuurvlam die offerbul, die altaar en hout verbrand, die water het opgedroog. Vanaand word vir jou ook gevra of jy nog hink op twee gedagtes? Twyfel jy soms in God se bestaan, vra jy ook vir tekens as bewys? In jou droogte tye, swaarkry tye, bly Hy steeds God en vra na jou hart. Hy vra dat jy Hom moet glo en nie luister na klomp valse profete en staat maak op leë beloftes of ideale nie. In ‘n oogwink gebeur dinge wat jou lewe verander, Die Here God is daar want jy is Sy woonplek. Hy het dit reeds bewys. Met Sy liefde dra Hy jou, Sy bewys is Jesus Christus, deur Hom het Hy Hom as God met ons verklaar deur Sy genade. Mag Die Here al jou twyfel wegneem en aan jou vreugde skenk deur jou geloof in Hom.

AMEN

Nagsê Here. Afrikaans.Radio · Nagsê Here]]> Religion & Spirituality Fri, 16 Jun 2023 18:00:00 +0200 0 0 Nagsê Here #14 0 0 Ds. Theunis Coetzee full 3:09 Nagsê Here https://iono.fm/e/1321712 https://iono.fm/e/1321712 Dit gaan goed, mens voel goed, as alles reg verloop. Jy weet jy gaan die kompetisie of wedstryd wen. Jou tone krul van lekker kry. In 1 Konings 18 lees ons van so ‘n oorwinning. Eers moet ons sê dat Elia gevlug het. Daar was hongersnood en droogte in Israel. Elia het vir Agab en Isebel gesê dit is omdat hulle as koningsgesin van Israel, afgode van Baäl dien en hulle, hulle rug op God draai en nie na God luister nie.
Alle vorme van rituele is uitgevoer, selfs kinder offers, die afgode is deur hul priesters as vorm van kultus, massa histerie en bedwelming gebruik om mense te beïndruk dalk eerder te mislei. Nietemin die droogte het gebly en Agab soek na Elia, hy is die skuldige wat die droogte gebring het daarom moet hy doodgemaak word of as offer vir afgode dien.Iemand moet die skuld kry!

Ons moet net weer vir mekaar sê dat God in ons is en deur ons Sy dade, woorde en doel openbaar. Ook ons beleef droogtes in ons lewens, swaarkrye dae kom en gaan.
So het God vir Elia teruggestuur om Agab te ontmoet, Elia moes gesug het want hy het geweet hulle wou hom offer, kan jy sy angs en huiwering besef, “Nee, o nee, Here, ek gaan my dood tegemoet, U kan nie ernstig wees nie.” Wel, Elia het God gehoorsaam en toe hy Agab ontmoet word hy sommer dadelik gevloek, “Is jy die besweerder van Israel?” Elia, in sy eer gekrenk, het aan Agab God se uitdaging bekend gemaak, God se kompetisie”. Bring twee bulle en laat jul profete hul bul eerste kies, sit dit op jul altaar, of braai rooster, baie hout maar die hout mag nie aangesteek word nie.

Gestel jy nooi ‘n klomp vriende uit vir ‘n braai, almal gelowiges, julle bid in dankbaarheid, die hande wat dit voorberei het en die voorreg van voedsel op die tafel. Kan jy jouself indink wat hulle sou sê as jy bid dat die hout of charcoal aan die brand raak sonder Blitz, ‘n vuurhoutjie of lighter. Almal sal dink dat jy ‘n grap maak.
Vanaand vra Die Here jou om Sy geleentheid te skep tussen die mense wat na Hom soek. Die wat twyfel, die wat nie glo nie, die wat seer het en die wat huiwerig is, hulle sal oortuig word. Hyself sal die vuur aansteek, die liefdesvlam in elkeen wat na Hom vra. Hy vra nie meer offers nie, Hy vra na jou.

Mag jy vanaand Hom dank vir die geleenthede wat Hy vir jou skep om Sy Almag te bewys. Jy is sy vuurhoutjie tussen mense met jou geloof, diens en gebed.
Mag God jou altyd gebruik sodat Hy die eer en lof kan kry.

AMEN

Nagsê Here Afrikaans.Radio · Nagsê Here]]> Religion & Spirituality Thu, 15 Jun 2023 18:00:00 +0200 0 0 Nagsê Here #13 0 0 Ds. Theunis Coetzee full 3:19 Nagsê Here https://iono.fm/e/1321532 https://iono.fm/e/1321532
Daar is dae wat jy net blydskap ervaar. Jou dag begin sommer met sing onder die shower, jy gee nie om dat die voëltjies wegvlieg nie, die troeteldiere buite toe vlug nie, jy lag selfs as die koekie seep uit jou hande gly. Blydskap stimuleer jou, ongeag omstandighede. Mooi gedagtes, herinneringe en beplannings oorweldig jou.
Jy bid terwyl jy aantrek of ry en dink aan jou geliefdes. Jou omgewing word ‘n gebed, jou huisemense, vriende en familie word deel van jou gesprek met Die Here. Jou gebed word soos antibiotika of ‘n B kompleks boost. Die werklikheid tref jou dat jy met jou Skepper gesels vanuit die bed, op jou knieë, deur die shower en steeds terwyl jy besig is met jou dagtaak.

Opgewondenheid pak jou beet want jy sien uit om tuis te kom. Met ‘n glimlag groet jy jou gesin, laggend, spelend, singend word matte gesuig, kos gemaak, gesels oor die dag se gebeure. In hierdie gesprekke word Die Here betrek deur jou leefwyse.
Die dankbaarheid vir jou dagtaak, jou kos, jou gesin die dak oor jou kop, oorweldig jou met groter blydskap, ‘n stil gebed ontspring in jou hart en dit wys in jou oë, jou geliefdes sien dit raak en getuig van die goedheid van Die Here. Hierdie is waarvan Paulus praat in 1 Tessalonisense 5: 16-18. “Wees altyddeur bly. Bid sonder ophou.
Wees in alles dankbaar, want dit is die wil van God in Christus Jesus oor julle.”

Mag jy vanaand besef dat jy, deur so te lewe, die Wil van God gehoorsaam het, dat Christus se Liefdesdaad jou lewe oorheers, vir jou sekondes bied vir dankbare genade. Hy is met jou, deur jou word so baie, met jou geloof, aangemoedig.
Die beste medisyne vir ‘n mens se siel is: Lag, Bid en Dankie sê.

AMEN

Nagsê Here. Afrikaans.Radio · Nagsê Here]]> Religion & Spirituality Wed, 14 Jun 2023 18:00:00 +0200 0 0 Nagsê Here #12 0 0 Ds. Theunis Coetzee full 2:29 Nagsê Here https://iono.fm/e/1321528 https://iono.fm/e/1321528
Wonder jy ook of God jou vergeet het, nie meer aan jou dink nie?

Dit voel baie keer in ‘n mens se lewe so wanneer dinge skeef loop of jy swaarkry. God is kwaad vir my en jy dink terug aan hoekom Hy kan wees wetend dat jy soos elke mens maar ‘n ongehoorsame streek in jou het, ons doen nie altyd die regte ding nie. Is hierdie swaarkry dan ‘n straf en is dit nodig so swaar te straf?

In Jesaja 63 hoor ons God se woorde aan Edom “Ek het alleen die pers getrap” en dan bedoel dat Hy het alleen gewerk het, niemand het gehelp nie, nou is Hy kwaad. Nie ek of jy wil God kwaad maak nie, Hy het net ‘n te groot rol in ons lewens. Dink maar aan pakslaes wat jy gekry het as kind deur pa of onderwyser, nie een hou was mis nie.

Jy besef dat as God pak gee dan doen Hy dit anders, jy gaan nie al in die rondte hardloop of weghardloop nie. Jy kan ook nie gaan wegkruip of by vriende oorslaap totdat humeur bedaar het nie. Hy is Immanuel, God met ons, ons is Sy tuiste, waar jy gaan is God. Ons het ‘n wonderlike God want in 8 en 9 bewys Hy Sy Vaderskap met vergifnis en meelewing. “Want Hy het gesê: Hulle is tog my volk, kinders wat nie sal lieg nie. So het Hy dan vir hulle 'n Heiland geword.

In al hulle benoudheid was Hy benoud, en die Engel van sy aangesig het hulle verlos; deur Sy liefde en deur Sy medelyde het Hý hulle verlos; en Hy het hulle opgehef en hulle gedra, al die dae van die ou tyd.” Mag jy vanaand met dankbaarheid besef dat God Sy stout kinders ook liefhet; In jou benoudheid raak Hy net so benoud, In jou lyding, ly Hy saam, As jy kwaad doen, verlos Hy jou, As jy val, tel Hy jou op en dra jou.
Is dit nie ‘n lekker gevoel en gedagte om mee te gaan slaap nie?

AMEN

Nagsê Here Afrikaans.Radio · Nagsê Here]]> Religion & Spirituality Tue, 13 Jun 2023 18:00:00 +0200 0 0 Nagsê Here #11 0 0 Ds. Theunis Coetzee full 2:23 Nagsê Here https://iono.fm/e/1320250 https://iono.fm/e/1320250
Wat is jy werd?
Vergeet nou maar van die mossie antwoord of die lelie in die veld antwoord. Wat is jou waarde wat jy kan toevoeg tot die lewe? Vergeet dan ook maar oor ‘n antwoord van die weduwee met haar laaste sente in die donasie bak. Dit is nie die vraag nie! Hierdie vraag gaan oor jou.

Dit gaan oor jou geestelike vermoë, die krag van Die Heilige Gees wat in jou is.
In Openbaring 1:10 lees ons Johannes se woorde “Op die dag van die Here is ek deur die Gees meegevoer…”, hy sien Die Seun van die mens staan tussen 7 kandelare. Dan lees ons vers 17 “Toe ek Hom sien, het ek by Sy voete neergeval en bly lê soos een wat dood is. Hy het toe met sy regterhand aan my gevat en vir my gesê: “Moenie bang wees nie, dit is Ek, die Eerste en die Laaste, die Lewende. Ek was dood en, kyk, Ek lewe tot in alle ewigheid;”

Vanaand wil jy ook roep “Kom o Gees, kom voer my mee, bring my na die Heiligdom. Kom reinig my, kom heilig my, dat ek ook die woorde kan hoor ‘Moenie bang wees nie, dit is Ek’, en daardeur bekragtig word vir Ewige Heerlikheid”. Jy is dalk ook moeg vir die gejaag in die lewe, miskien vang eensaamheid jou, dalk is jy vasgevang in ‘n vorm van bestaan, jy wil nuttig wees. Jy het nodig om Iemand, Die Here, te hoor wat jou uitnooi na ‘n bekering, ‘n herlewing, wat jou uit ‘n doodsgreep ruk na ‘n lewende verskil.

Mag jy vanaand Sy Regterhand voel as Hy aan jou vat en Sy pleit hoor om ‘n verskil te maak in hierdie wêreld waarin ons lewe, hierdie wêreldsmense en jy weet dalk van iemand, wat smag na vernuwing en herlewing sodat God al die eer kan kry. Die tyd is min, die geleenthede baie, Hy het jou nodig en daarvoor bemagtig Die Heilige Gees jou!

AMEN

Nagsê Here. Afrikaans.Radio · Nagsê Here]]> Religion & Spirituality Mon, 12 Jun 2023 18:00:00 +0200 0 0 Nagsê Here #10 0 0 Ds. Theunis Coetzee full 2:29 Nagsê Here https://iono.fm/e/1319723 https://iono.fm/e/1319723
Ek hoop dit gaan goed met jou, geliefde van Die Heer. Kan jy soos Johannes getuig oor Jesus se koms aarde toe? Hy begin met sy evangelie “IN die begin was die Woord, en die Woord was by God, en die Woord was God. Hy was in die begin by God. 3 Alle dinge het deur Hom ontstaan, en sonder Hom het nie een ding ontstaan wat ontstaan het nie. 4 In Hom was lewe, en die lewe was die lig van die mense. 5 En die lig skyn in die duisternis, en die duisternis het dit nie oorweldig nie.” Vir my is dit genoeg gesê, soos ‘n kind glo ek!

Hoe verwoord jy, Johannes se verklaring oor Jesus as Verlosser en God, tussen soekende en stukkende mense? Dalk met die volgende woorde:
In die donker soek ek na die Here,
Na bekende gesigte van vriende,
Na iets waardigs om te doen,
Ek mis my familie en gesin,
Tassend probeer ek rigting vind,
Alles bly net buite bereik.

Hey Tjomma, hoor ek in die donker skreeu,
Jy het die lig broer, wat dwaal jy so rond?
Ons kan jou nie volg as jy nie reguit loop,
Jy sê jy ken vir Jesus, neem ons na Hom toe!
Die tyd is min, die kersvlam is laag,
Vasberade, ligloos, beur jy voort, aangejaag,
Hierdie mense stemme agter in die donker,
Moet terugkom na die Begin, na die Woord!
Jy moet hul die Lewe wys, in jou is Die Lig,
Sodat die duister in hulle verdwyn, dis jou plig.
Hey, Tjomma hoor jy uit die donker iemand roep….

Jy kan bid “Dankie Here dat U lig deur my skyn en U my gebruik as ‘n ligbaken vir ander wat ek dalk nie eers ken nie”

AMEN

Nagsê Here. Afrikaans.Radio · Nagsê Here]]> Religion & Spirituality Sun, 11 Jun 2023 18:00:00 +0200 0 0 Nagsê Here #9 0 0 Ds. Theunis Coetzee full 2:30 Nagsê Here https://iono.fm/e/1319722 https://iono.fm/e/1319722 Daar was so ‘n ken mekaar TV program waarin mense ‘n prys kon wen as hulle die meeste vrae reg beantwoord oor die ander persoon. Wie dink jy ken jou regtig?
Iemand wat reg gaan antwoord op vrae soos; “Wat laat jou lag, Wat laat jou huil, Wie is jy, Wat is jou belangstellings, Wat wil jy wees in die lewe, Wat is belangrik vir jou, Wat is jou grootste wens, Hoe reageer jy op insidente in jou lewe?”

Terwyl jy dink besef jy, dalk ook, dat jy nie so ‘n persoon ken nie, al is dit jou lewensmaat, ouer of kind. Dan kom die vraag “Ken jy jouself?”

As voorbeeld word ons ‘dierbare taxi drywers’ gebruik. Eendag is jy stil tevrede, selfs met ‘n glimlag as hy reg voor jou stop in die verkeer en mense oplaai of aflaai, ‘n ander dag wip jy jou en jou woorde klink soos ‘n outomatiese geweer wat skote afvuur, jy rit tit tit sommer op jou sitplek.

So met ‘n glimlag weer die vraag “Ken jy jouself?” Paulus moes mense wat hom gepeper het na sy vermoë, sy gesag, sy geskiedenis, sy roeping en doel in 1 Korinthiërs 15 antwoord. In vers 10 sê hy hierdie woorde “Maar deur die genade van God is ek wat ek is, en sy genade aan my was nie tevergeefs nie; maar ek het oorvloediger gearbei as hulle almal; nogtans nie ek nie, maar die genade van God wat met my is.”

Mag jy ook weet vanaand dat jy is wat jy is, deur die genade van Jou God en Verlosser.
As daar een persoon is wat jou ken dan is dit Hy, weet dan ook dat Hy deur Sy genade ‘n sondaar roep tot bekering, Sy Liefde is ‘n Ope Arm en Stywe Drukkie gevoel.

Mag jy vanaand hierdie hartlike gevoel kry wetend dat jou Here wat jou ken en al die vrae oor jou kan antwoord ook na jou luister, en vir jou sê “Toemaar, Ek sien jou werk, Ek weet die goeie en die kwade, Ek gooi jou nie weg nie, jy is vrygespreek deur My Genade en Liefde. Wees wie jy is, in My Naam” Het ons nie ‘n Wonderlike God nie, ken jy Hom? Jou prys is die Ewige Lewe.

AMEN

Nagsê Here. Afrikaans.Radio · Nagsê Here]]> Religion & Spirituality Sat, 10 Jun 2023 18:00:00 +0200 0 0 Nagsê Here #8 0 0 Ds. Theunis Coetzee full 2:37 Nagsê Here https://iono.fm/e/1318842 https://iono.fm/e/1318842
Vind rus vir jou siel met Nagsê Here. Afrikaans.Radio · Nagsê Here]]> Religion & Spirituality Thu, 08 Jun 2023 18:00:00 +0200 0 0 Nagsê Here #7 0 0 Ds. Theunis Coetzee full 2:30 Nagsê Here https://iono.fm/e/1318652 https://iono.fm/e/1318652
Beleef jy ook sommige dae wat jy net terneergedruk voel. Alles loop skeef, jy wil nie lag nie, jy wil met niemand praat nie, dit voel amper of die lewe in jou tot stilstand gekom het? Kragteloos breuk jy deur die sekondes.

Dan lees ons die woorde wat Paulus skryf in 2 Korinthiërs 4 - God wat gesê het: “Laat daar lig skyn uit die duisternis,” het ook in ons harte 'n lig laat skyn om ons te verlig met die kennis van die heerlikheid van God, wat van Jesus Christus uitstraal.”
Hierdie Krag wat uit duisternis lig geskep het, het ook verlossing deur Jesus Christus bewerk.

Laat dit jou beter voel? In eerlikheid, vir my nie altyd nie. Mense is soms gewetenloos, hulle breek jou af, stel jou telleur. Dit vou jou toe met duisternis.
Dan sê Paulus “Maar ons het hierdie skat in erdekruike, sodat die voortreflikheid van die krag van God mag wees en nie uit ons nie. In alles word ons verdruk, maar ons is nie terneergedruk nie; ons is verleë, maar nie radeloos nie; vervolg, maar nie verlate nie; neergewerp, maar nie vernietig nie.

Mag hierdie krag wat God gee ook in jou werk, al voel jy ook so breekbaar soos ‘n erdekruik, in jou en deur jou is die Krag van God besig om te werk. In jou nagrus versterk Hy jou met al die botsings van emosies, hartseer, verlange, seerkry en al die ander letsels wat jy saamdra. Mag dit vir jou vrede bring. Sy Liefde vir jou is ewig soos ‘n glimlag, Hy dra jou deur die lewe, soos jy en wie jy is. Lief vir almal.

AMEN

Nagsê Here Afrikaans.Radio · Nagsê Here]]> Religion & Spirituality Wed, 07 Jun 2023 18:00:00 +0200 0 0 Nagsê Here #6 0 0 Ds. Theunis Coetzee full 2:11 Nagsê Here https://iono.fm/e/1318228 https://iono.fm/e/1318228
Mense het maar ‘n manier van kommunikasie met woord en daad selfs met lyftaal of "houdinkies". Wyse raad van my pa was altyd as jy iets wil sê dink of dit waar is, of dit nodig is en of dit vriendelik is. As een van die drie ontbreek bly eerder stil.

Nou die aand met Spreuke 17 lees ek die laaste twee verse. “Wie sy woorde inhou, besit kennis; en hy wat kalm is van gees, is 'n man van verstand. Selfs 'n sot sal as hy swyg, vir wys gereken word; as hy sy lippe toehou, vir verstandig.” Dit is mooi woorde gelees maar bitter moeilik om te leef.

Sommige mense het net die vermoë om jou nerfdermpie van emosies te prikkel.
Gedagtig aan die teks wil ek of moet ek Die Here vra ‘hoekom het Hy my gemaak soos ‘n ou ramkiekie met net een snaar, daardie een nerfdermpie wat so maklik getokkel kan word en nie ‘n harp met baie snare nie’. In jou lewe dalk ook, so maklik word emosies geraak wat jou kalmte versteur. Raak net aan daardie een snaar en jy raak deurmekaar. Jou oë blits vonke, jou houding verstyf, op die ou einde tref dit jou tong en jou lippe open. Woorde vlieg uit en iemand skreeu “Bel die polisie”.

Het jy maar met kalmte in wysheid opgetree maar nou sit jy met ‘n rooi gesig en dink dit was dwaas gewees, het ek maar geswyg. Ons is al almal deur sulke gevalle. Die “jammer sê” erkenning kom na die woorde gesê. Mag jy ook vanaand soos Dawid in
Ps 131 vers 2 sê: “Ek het rus en kalmte gevind. Soos 'n kindjie wat by sy moeder tevredenheid gevind het, so het ek tevredenheid gevind.” Mag jy vanaand kalmte en rus by Die Here, jou Skepper vind, Hy bied jou tevredenheid al sou omstandighede en mense jou ontstel.

Sy Liefde en Sorg, hou jou in toom en speel ‘n wiegelied, al is daar net een snaar.

AMEN

Nagsê Here Afrikaans.Radio · Nagsê Here]]> Religion & Spirituality Tue, 06 Jun 2023 18:00:00 +0200 0 0 Nagsê Here #5 0 0 Ds. Theunis Coetzee full 2:31 Nagsê Here https://iono.fm/e/1318225 https://iono.fm/e/1318225
Soggens nog voor die son sy strale oor die aarde sprei soos glybane van gebeure wat nog moet plaasvind, hoor jy al die voëltjies die dag begroet. Elkeen met sy eie soort lied.

In die aand is dit weer die jakkalse wat tjank soos treurliedere, die leeus wat brul en ander diere. Dan vra ons “Hoe begroet jy die dag, hoe beleef jy jou dag?” Is dit met dieselfde gedagte en ingesteldheid waarmee jy jou dag met ‘n aandgebed afgesluit het. Hoor mense jou sing “Dankie vir hierdie skone more…” of “Hoed my as ek my gaan neerlê, Grote God wat altyd waak”? Jou afhanklikheid, jou toegewydheid en jou gesindheid word bepaal met ‘n dankbare lied uit jou hart aan Die Here wat jou tyd gun en Sy tyd vir jou skep.

Sê jy ook soos Ps 104 “Ek sê vir myself: Kom prys die Here!” Dit is so nodig, vir jouself ook, om die kosbare oomblikke jou gegun met Lof aan God deur te bring. Dit verander die mense om jou en jouself, so groot is die verskil wat jy kan maak met jou arbeid. Gister se herinnering het jou voorberei vir die dag wat wag.
More sal die son weer skyn. “As U die donker bring en dit nag word, roer al die diere in die bos. Die leeus brul op soek na prooi: hulle vra hulle kos van God. As die son opkom, sluip hulle weg en gaan lê in hulle skuilplekke. Dan gaan die mens na sy werk toe, en hy werk tot die aand.”

Mag jy ook die gebed van die natuur hoor soos ‘n lied, in jou oggend en aand en jy vers 33 kan beaam “Ek wil sing tot eer van die Here solank as ek lewe, ek wil psalmsing tot eer van my God solank as ek daar is.” Mag jy met ‘n lied in jou hart jou nagrus ingaan more wag, jy maak die verskil.

AMEN

Nagsê Here Afrikaans.Radio · Nagsê Here]]> Religion & Spirituality Mon, 05 Jun 2023 18:00:00 +0200 0 0 Nagsê Here #4 0 0 Ds. Theunis Coetzee full 2:32 Nagsê Here https://iono.fm/e/1317460 https://iono.fm/e/1317460
Jy hoef nie alleen te voel as jy op soek is na geluk nie. Elke mens beleef sulke tye, party meer as ander en daar is diegene wat elke dag soekend is na geluk. Dit is nie omdat mens van nature ontevrede is nie maar nie weet hoe om omstandighede te hanteer nie.

Geluk word baie kere gemeet aan wat ander het, nie net aardse goed nie maar ook hulle positiewe ingesteldheid. Jy begin om jouself met hulle te vergelyk, die hulle lag altyd, vind vreugde in wat hulle doen, helder gesprekke op, kyk nooit neer op ander nie en is behulpsaam waar en wanneer hulle kan.

Om so te wees kos geestelike oefening, jy moet werk aan jouself om in jouself geluk te skep wat ander kan motiveer. Dit is baie moeilik om werklik te oefen aan jou eie geluk, jy het seker ookal gestaan by ‘n lang siekbed van ‘n kind of ouer, tydings van hartseer ervaar, ongelukke beleef en mislukkings. Jy is dalk ook vervreem van geluk omdat jy anders is, anders aantrek, anders optree, dink maar aan die etikette wat so maklik geplaas word deur mense op ander.

Dan klink die woorde van Spreuke 17:1 soos jou eerste oefening “BETER is ‘n stuk droë brood en rus daarby as ‘n huis vol offermaaltye met getwis.” Geluk word ervaar as jy die vergelyking tref tussen tevredenheid (met jouself ook) en die getwis van die wêreld daarbuite, in twis word God se liefde nie ervaar nie maar in geluk wel :19 “Wie twis liefhet, het oortreding lief” Dis baie gesê! Sy liefde vir jou word beloof in :22 “’n Vrolike hart bevorder die genesing, maar ‘n verslae gees laat die gebeente uitdroog.”

Mag jy vanaand geluk ervaar met ‘n vrolike hart want Die Here se Liefde bring genesing.
Leef in Liefde, vir Liefde, mag jy gou gesond word en jou oefening geniet, om Sy Naam ontwil en ware geluk beleef al is dit met betraande oë en moeë gees.

AMEN

Nagsê Here Afrikaans.Radio · Nagsê Here]]> Religion & Spirituality Sun, 04 Jun 2023 18:30:00 +0200 0 0 Nagsê Here #3 0 0 Ds. Theunis Coetzee full 2:36 Nagsê Here https://iono.fm/e/1317458 https://iono.fm/e/1317458
Ons lees van planete en planeet stelsels. Die afstande tussen planete in kilometers gemeet.
Om Pluto te bereik teen die spoed van lig is ongeveer vyf en ‘n half uur. Dan kom daar tye wat jy op aardbodem staan, opkyk en wonder hoe groot die ruimte is, en jy voel klein.

Waar is die Hemel dan, waar is die Koninkryk van God?

Woorde eggo in jou want Jesus het vir een wat saam met Hom gekruisig is gesê “Vandag, sal jy saam met My in Die Paradys wees.” Hoe vinnig gebeur dinge nie in sekondes nie, jy bid, jy hoop, jy glo en skielik verander jou lewe in smart of met ‘n gedagte. ‘n Nuwe gebed onstaan in jou vraelys of dankbaarheidslys. Jy wil vra “Here wat dink U van my, waar staan ek nou met U beplanning hier in my kleinheid op aarde, hoe ver is U van my?”

Psalm 103 lees “Hy handel met ons nie volgens ons sondes nie, vergeld ons nie vir ons ongeregtighede nie, 11want so groot as die afstand tussen hemel en aarde is, so groot is sy liefde vir dié wat Hom dien. So ver as die ooste van die weste af is, so ver verwyder Hy ons oortredinge van ons af.”

Mag jy as jy aan die grootheid van die heelal dink, wetend daar is planete wat jy nie kan sien nie, baie ver van jou af, Die Skepper daarvan, by jou voel. Hy het jou so lief dat Hy in jou Sy Stukkie Hemel skep, Hy kom in Sy Grootheid jou kleinheid vul. As jy Hom dien sal jy jou skuld, jou skande, jou verlede, jou seer, nie kan raaksien nie, Hy verwyder dit so ver weg van jou af. Vergeet van mense met ‘n vervolgingswaan, mense wat oordeel vel, mense wat seermaak, mense wat jou laat onthou.

Die Here, jou Skepper-God het met Sy liefde in jou kom woon en wat baie ver is na jou gebring, in ‘n sekonde, dit is Homself!

AMEN

Nagsê Here. Afrikaans.Radio · Nagsê Here]]> Religion & Spirituality Sat, 03 Jun 2023 18:30:00 +0200 0 0 Nagsê Here #2 0 0 Ds. Theunis Coetzee full 2:36 Nagsê Here https://iono.fm/e/1317456 https://iono.fm/e/1317456
Het jy al gedink aan iemand in die ver verlede van jou lewe? Die naam van die persoon het jy vergeet. Wat die persoon gesê het kan jy nie onthou nie. Al wat jy kan onthou is hoe die persoon jou laat voel het.

Hierdie persoon kan enige iemand wees, ‘n Laerskool liefde, onderwyser, vriend of wie ookal.
Die gevoel wat jy onthou is dalk iets van seerkry, vernedering, woede maar dit kan ook ‘n gevoel van teerheid, verlange, ‘n wens vir weersien wees.

Dit het jou lewe gevorm, jy onthou dit, dink aan die mooi dinge en voel die verskil wat dit nou aan jou doen.
Daardie eerste liefdes briefie geskryf, die opgewondenheid van jou eerste besoek of afspraak of sal ons maar die woordjie ‘date’ gebruik, die afwagting van toenadering, die eerste wen wedstryd. Die gevoel sal jy nooit vergeet nie, tog het jy ander vriende gemaak en as gesin weer ander. Met elke omstandigheid word nuwe gevoelens geskep en jy besef dat jy steeds gevorm word en nie alleen is nie.

Job sê vir sy vriende in hoofstuk 6 “Self is ek tot niks in staat nie. Ek weet nie meer raad nie. Wie medelye met ‘n vriend beskou as ‘n las, het die eerbied vir die Almagtige verwerp.”

Jy het ‘n Vriend in Jesus, jou lewe lank wat deur Sy Goddelike Vrienskap jou losgekoop het sodat jy nooit sal dink dat Die Almagtige jou verwerp nie. Hy het medelye getoon, Hy sal met jou wees vir die res van jou lewe, dis mos ‘n warm lekker gevoel, jy is nooit alleen nie.

Onthou daarom dat alles wat jy sê of doen by ander ‘n gevoel skep, soos hulle met jou doen, mag dit spreek van liefde.

Mag jy met ‘n lekker gevoel vanaand jou nagrus tevrede ingaan want Die Here is by jou.

AMEN, Nagsê Here. Afrikaans.Radio · Nagsê Here]]> Religion & Spirituality Fri, 02 Jun 2023 18:00:00 +0200 0 0 Nagsê Here #1 0 0 Ds. Theunis Coetzee full 2:21 Nagsê Here